Stafilokoku nuk eshte zhdukur ende ne sallat e operacionit

Mikrobi i rrezikshem i stafilokokut eshte ende ekzistent ne sallat e operacionit. Lajmin e bejne te ditur burime nga Qendra Spitalore Universitare "Nene Tereza", sipas te cilave kontrollet e fundit kane nxjerre serish ne pah pranine e mikrobit. Keshtu, gjendja eshte ende mjaft shqetesuese, edhe pse sallat e operacionit aktualisht jane te mbyllura. Ne kontrollin bakteriologjik te dates 14 korrik i kryer nga mjeket e qendres se infeksioneve spitalore, rezultoi se gjendja ne salla eshte permiresuar mjaft, por stafilokoku vazhdon te jete prezent ne shtratin e operacionit, elektrobisturite, llamben operatore si dhe ne filtrin e kondicionerit. Keshtu, sipas relacionit derguar drejtorise se pergjithshme pas aksionit te dezinfektimit edhe ne reanimacionin e kardiokirurgjise, analizat bakteriologjike te dates 21 korrik treguan se gjendja eshte permiresuar ndjeshem. Megjithate jane verejtur ende disa koloni stafilokoku neper karrige, ne bluzat e bardha te infermiereve dhe ne duart e tyre. Kesisoj, ne raportin derguar Drejtorise se QSUT-se, epidemiologet kane rekomanduar marrjen e nje grupi masash, ne menyre qe te mos perseriten me tragjedi gjate procesit te nderhyrjeve kirurgjikale. Keshtu, epidemiologet kane kerkuar pastrim dhe dezinfektim rigoroz dhe periodik te sallave te operacioneve, percaktim te intervalit kohor dhe te dites fikse per pastrim te pergjithshem gjithashtu edhe dezinfektim te detyrueshem te sallave dhe te pjesshem per reanimacionet. Grupi i epidemiologeve qe ka kryer kontrollin i ka kerkuar Drejtorise se Qendres Spitalore Universitare te Tiranes qe te nise sa me pare furnizimi i sallave te kardiokirurgjise dhe neurokirurgjise me dezinfektant te cilesise se larte te tipit, Lysoform, nderrimin e filtrave te kondicionereve te sallave tip bunker, mundesisht pajisjen me filtra dyshe.

Masat

Mjeket kane rekomanduar vendosjen e llambave baktericide ne te gjitha sallat operatore. Gjithashtu, ata kerkojne dezinfektimin periodik te te gjithave sallatave te operacioneve si dhe sallave te reanimacionit.

Sallat e kycura, mjeket pushim

Aktualisht ne pavijonin e kardiokirurgjise sallat e operacionit vazhdojne te jene te kycura per shkak te nderprerjes perkohesisht te operacioneve. Por, nisur nga rekomandimet e specialisteve epidemiologe per shfrytezim te sallave ne menyre te kufizuar, ne kardiokirurgji kryhen vetem nderhyrjet e urgjences, nderkohe qe nje pjese e mire e mjekeve kardiokirurge kane nisur pushimet. Prania e stafilokokut ne sallat e operacionit ne kardiokirurgji solli vdekjen e 2 pacienteve pak kohe me pare, si pasoje e infeksionit spitalor marre pas nderhyrjes kirurgjikale ne zemer.