Statistika, Shqipëria kundër Rumanisë

(ALBANIA SPORT) - Rumania e futbollit nuk është një kundërshtar i panjohur për Shqipërinë. Të dyja përfaqësueset janë ndeshur plot 13 herë midis tyre që nga përballja e parë para 61 vjetësh. Një bilanc aspak optimist për Shqipërinë, ka fituar 2 ndeshje, barazuar 1, teksa kemi pësuar 10 humbje (9 rresht), e fundit më 21 nëntor 2007 me rezultatin e thellë 6-1. Oto Bariç ishte  trajneri i 8-të që është ndeshur me një kombëtare rumune.

VIT PAS VITI KUNDËR RUMANISË

1946 -Ndeshja e parë midis dy ekipeve daton më 13 tetor 1946, kur Shqipëria fitoi 1-0 me golin e të madhit Qamil Teliti në finalet e Kampionatit Ballkanik të fituar nga Shqipëria (i vetmi trofe ndërkombëtar). 1947 - Pas këtij triumfi të vogël, më 25 maj 1947, Shqipëria do të shkatërrohej më shtatë muaj më pas po në kryeqytetin shqiptar nga Rumania me rezultatin e thellë 4-0, po për Kampionatin Ballkanik, ku rumuni Iiliu Farkas shënoi plot tri herë në portën e mbrojtur nga Alfred Bonati.

1948 - Befasisht, gati një vit më pas, më 2 maj 1948, Pal Mirashi do të ripërsëriste fitoren 1-0 atje dhe ku vetë rumunët nuk e prisnin, në kryeqytetin e tyre, Bukuresht, në stadiumin “Giuleshti”, në prani të 20 mijë shikuesve. Këmba e artë e Pal Mirashit sigloi fitoren e dytë kundër Rumanisë në një ndeshje për Kampionatin e Europës Juglindore, një lloj kampionati ballkanik.

1949 - Ndeshja e katërt midis dy ekipeve, e zhvilluar me 23 tetor 1949, përfundoi në barazim 1-1, ku Qamil Teliti (50’) barazoi pjesën e dytë golin e shënuar nga kapiteni rumun, Josif Petçovski (23’). Një ndeshje e ndjekur nga 40 mijë shikues në stadiumin “Republicci”. Më 29 Nëntor 1949, në Ditën e Çlirimit të Shqipërisë, Shqipëria do të humbiste 4-1 miqësoren me Rumaninë, ku ishte sërish Pal Mirashi që do të shënonte golin e vetëm përballë katër të rumunëve me autorë Iion Lungun (2) dhe Stefan Filoti e George Vazcki nga një.

1950 - Vit i rezultatit më të thellë të pësuar nga Rumania, 6-0, nga të cilët plot pesë gola vetëm në pjesën e parë: Josif Petçovski (2), Andrei Radulesku (2), Andrea Merçea (1) dhe Ioan Suru (1) ishin autorë të golave. 1972- Takimet midis dy vendeve rifillojnë pas 22 vitesh, kur Shqipëria do të humbiste 2-0 në Bukuresht, më 29 tetor 1972, për eliminatoret e Kampionatit Botëror. Dy gola të pësuar qysh në pjesën e parë dhe brenda tri minutash nga Nikolae Dobrin (38’) dhe Emerih Dembrovski (41’).

1973 - Ndeshja e kthimit e zhvilluar në Shqipëri, më 6 maj 1973, ishte edhe më e trishtuar. Rumania fitoi në Tiranë 4-1, ku Sabah Bizi shënoi golin e nderit për Shqipërinë në minutën e 85-të, kur rumunët kryesonin me rezultatin 4-0, me gola të shënuar nga Ion Dumitru, dy gola nga Florea Dumitrake (1 me penallti) dhe Teodor Taralunga.

1987 - Rumania zhduket për gati 25 vjet nga skena e futbollit shqiptar, për t’u ritakuar për eliminatoret e Kampionatit Europian, më 25 mars 1987 në Bukuresht, ku pësuam një humbje të thellë 5-1. Golin e parë kundër Shqipërisë e pat shënuar trajneri i sotëm i Rumanisë, Viktor Picurka, qysh në minutën e dytë të takimit. Shkëlqim Muça barazoi 1-1, por më pas erdhi furia rumune me 4 gola të tjerë: Ladislau Boloni, George Haxhi, Miodrag Belodedici dhe Adrian Bumbesku. Ndeshja e kthimit më 28 tetor 1987 u zhvillua në Vlorë dhe humbja ishte të paktën dinjitoze 1-0. Golin e vetëm të takimit e shënoi rumuni Mikael Klein.

1988 - Një ndeshje miqësore, por e humbur thellësisht 3-0. Miodrag Belodedici, George Haxhi dhe Rodion Kamataru. Një ndeshje pa koment për trajnerin Shyqyri Reli.

2006 - Kaluan plot 18 vjet nga ndeshja e fundit me Rumaninë dhe shumë gjëra kanë ndryshuar në historinë e dy ekipeve. Dy skuadrat u përballën, më 6 shtator në Tiranë, fitoi Rumania 2-0. Goli i parë u shënua nga Dika dhe tjetri nga Adrian Mutu me penallti.

2007 – Ndeshje e vlefshme për kualifikueset e Euro 2008-s, është e 14-ta midis dy ekipeve. Ndeshja e 21 nëntorit përfundoi 6-1 për Rumaninë, golin e vetëm për Shipërinë e shënoi Edmond Kapllani. Pas këtij takimi Oto Bariçi dha dorëheqjen.

TË GJITHA NDESHJET SHQIPËRI-RUMANI

1. 13.10.1946
Shqipëri-Rumani 1-0 (Kamp. Ballkanik)-
Tr.: Ljubosha Broçiç

2. 25.05.1947 Shqipëri-Rumani
0-4 (Kamp. Ballkanik)
Tr.: Adem Karapici

3. 02.05.1948
Rumani-Shqipëri 0-1 Kamp. Ballkanik)
Tr.: Adem Karapici

4. 23.10.1949
Rumani-Shqipëri 1-1 (Kamp. Ballkanik)
Tr.: Sllave Llambi

5. 29.11.1949
Shqipëri-Rumani 1-4 (Miqësore)
Tr.: Ludovik Jakova

6. 05.10.1950
Rumani-Shqipëri 6-0 (Miqësore)
Tr.: Ludovik Jakova

7. 29.10.1972
Rumani-Shqipëri 2-0 (El. Botërorit 1974)
Tr.: Myslim Alla

8. 06.05.1973
Shqipëri-Rumani 1-4 (El. Botërorit 1974)
Tr.: Myslim Alla

9. 25.03.1987
Rumani-Shqipëri 5-1 (El. Euro 1988)
Tr.: Agron Sulaj

10. 28.10.1987
Shqipëri-Rumani 0-1 (El. Euro 1988)
Tr.: Agron Sulaj

11. 20.09.1988
Rumani-Shqipëri 3-0 (Miqësore)
Tr.: Shyqyri Reli

12. 06.09.2006
Shqipëri-Rumani 0-2 (El. Euro 2008)
Tr.: Oto Bariç

13. 21.11.2007
Rumani-Shqipëri 6-1 (El. Euro 2008)
Tr.: Oto Bariç

BILANCI
13 ndeshje
2 fitore Shqipëria
1 barazim
10 fitore Rumania
7-38 golat

Shtatë autorët e golave kundër Rumanisë

Qamil Teliti (Shqipëri-Rumani, 1-0, Z)
Pal Mirashi (Rumani-Shqipëri, 0-1, Z)
Mehdin Zhega (Rumani-Shqipëri, 2-1, Z)
Panajot Pano (Shqipëri-Rumani, 1-2, Z)
Sabah Bizi (Shqipëri-Rumani, 1-4, Z)
Shkëlqim Muça (Rumani-Shqipëri, 5-1, Z)
Edmond Kapllani (Rumani-Shqipëri, 6-1, Z)

Euro 2012, Grupi D
Franca
Rumania
Bosnje-Herzegovina
Bjellorusia
Shqiperia
Luksemburgu
Burimi: Albania-sport.comE Diele, 07 Shkurt 2010

 
Shto dhe ti komentin tend

Emri dhe e-maili