Statusi – Panariti, takim informues me ambasadoret e BE-se Rozeta Rapushi

Qeveria shqiptare angazhohet per te plotesuar sa me shpejt detyrimet e tjera te mbetura per marrjen e fteses per statusin e vendit kandidat ne Bashkimin Europian. Ministri i Puneve te Jashtme, Edmond Panariti, informoi dje ne nje takim te posaçem te gjithe ambasadoret e vendeve te Bashkimit Europian te akredituar ne vendin tone me hapat e realizuara deri me sot ne plotesimin e prioriteteve, si dhe takimet e zhvilluar ne Bruksel pak dite me pare. Ministri Panariti informoi mbi takimet qe zhvilloi me Komisionerin per Zgjerimin, Stefan Fyle, dhe zyrtare te tjere te larte te Parlamentit Europian, gjate vizites se tij te fundit ne Bruksel. Ai theksoi se i njohu ata me ecurine e procesit te plotesimit te 12 Prioriteteve te Komisionit Europian, si dhe rikonfirmoi angazhimin e qeverise shqiptare per te plotesuar sa me shpejt edhe detyrimet e tjera qe kane mbetur. Ministri Panariti vuri ne dukje gjithashtu mesazhin qe iu percoll gjate takimeve nga ana e zyrtareve te larte europiane, i cili kishte te bente me nevojen e angazhimit te te gjitha forcave politike ne drejtim te pershpejtimit te ritmit te reformave ne vend, çka çon drejt plotesimit te kerkesave per marrjen e statusit. Ne te gjitha takimet e zhvilluara, ai u shpreh se u nenvizua dhe vleresua roli i Shqiperise si faktor stabiliteti dhe progresi ne marredheniet me vendet fqinje. Gjate takimit te djeshem mes ministrit dhe ambasadoreve, u shkembyen gjithashtu mendime ne lidhje me procesin e integrimit te Shqiperise ne Bashkimin Europian, pikerisht ne pritje te progres raportit te Komisionit Europian. Ambasadoret, nga ana e tyre, shprehen dje vleresimin per ecurine e deritanishme te reformave ne vend. Ata vune ne dukje rendesine qe merr ne kete faze bashkepunimi intensiv midis forcave politike per te plotesuar detyrimet ne kuader te permbushjes se 12 Prioriteteve, para publikimit te Progres Raportit te Komisionit Europian per Shqiperine. Kjo arritje e te gjithe forcave politike ne Shqiperi do te çoje ne marrjen e statusit te vendit kandidat, u shprehen ata. Takimi i punes i zhvilluar dje mes Panaritit dhe diplomateve te vendeve te Bashkimit Europian te akredituar ne Tirane, vjen vetem pak kohe nga hartimi dhe publikimi i progres-raportit per Shqiperine. Nga ky raport, pritet qe te percaktohet edhe nese vendi yne e merr apo jo ftesen per statusin e vendit kandidat per ne Bashkimin Europian.