Stefanoviç: Luftë deri në fund

Shefi i ekipit negociator serb në bisedimet me Prishtinën, Borislav Stefanoviç, ka thënë se ekipi i tij “do të luftoj deri në fund” që të gjendet zgjidhja për përfaqësimin rajonal Kosovës, pavarësisht, siç ka thënë ai, “qëndrimit të vështirë e të ngurtë të delegacionit të Prishtinës”.

Sipas tij, Prishtina shtron kërkesa “joreale dhe absurde”.

"Serbia ka rënë dakort për përfaqësim asimetrik Prishtinës dhe Rezoluta 1244 e Këshillit të Sigurimit të OKB-së është thelbi i asimetrisë, pra pabarazisë”, ka thënë ai, transmeton “B92”.

Sipas Stefanoviçit, delegacioni i Beogradit është e gatshme që gjatë krahas Rezolutës 1244, në mbishkrimin për Kosovën të jetë edhe mendimi i Gjykatës Ndërkombëtare të Drejtësisë.

“Tani i mbetet Prishtinës dhe përfaqësuesve ndërkombëtar që të mos lejojnë askënd që ta mbaj peng Ballkanin Perëndimor”, shton ai.