Steinberg jep dorëheqje

Nënsekretari amerikan i Shtetit, James Steinberg, ka ofruar dorëheqje, për të pranuar një pozitë akademike në Universitetin e Sirakuzës, në shtetin e New Yorkut.

Sekretarja amerikane e Shtetit, Hillary Clinton, tha me anë të një deklarate se Williams Burns do të emërohet në vend të Steinbergut.

James Steinmberg ka shërbyer në cilësinë e Nënsekretarit të Shtetit për dy vite.

Gjatë shërbimit të tij, ai ka qenë përgjegjës për zgjerimin e marrëdhënieve SHBA-Kinë dhe trajtimin e sfidave në Gadishullin e Koresë.

Steinberg do të shërbejë si dekan i Fakultetit të Administratës Publike "Maxwell", në Universitetin e Sirakuzës.