Strategjia e arsimit të lartë, larg kërkesave të tregut

Arsimi i lartë në Shqipëri nuk u përgjigjet ende nevojave të vendit dhe rritjes së ekonomisë së tregut. Ai është shumë homogjen, ndërsa financimet nuk arrijnë të jenë të mjaftueshme si në infrastrukturë, ashtu edhe në kualifikimin e stafit. Kjo problematikë është vënë në dukje gjatë prezantimit të strategjisë afatmesme të arsimit të lartë. Strategjia e arsimit të lartë, miratuar vitin e shkuar, synon përmirësimin e të gjithë sistemit, rritje të numrit të pedagogëve, mbështetje më të madhe financiare si nga qeveria ashtu edhe nga burime të tjera.

Nga ana e saj, zëvendësministrja e Arsimit dhe Shkencës, Adriana Gjonaj, e ka kundërshtuar këtë mendim. Ajo ka përmendur ndërkaq se, financimi për arsimin e lartë në buxhetin e 2009-ës është 50 për qind më i madh, ndërsa për kërkimin shkencor 30 për qind. Po këtë vit, sipas Gjonaj, janë miratuar 80 programe studimi të nivelit të dytë dhe 60 mastera specializimi.