Studentet ceke, s'jane viktima te trafikut

Tirane-Autoritetet policore ceke, hedhin poshte cdo hipoteze se tre studentet e ketij vendi, qe u zhduken ne veri te Shqiperise ne vitin 2001, jane viktima te trafikut te paligjshem te organeve. Mediat ceke, te cilat i referohen deklarimit te shefit te policise kriminale Jan Noga, kundershtojne pretendimin e prokurorit serb te krimeve te luftes, Vladimir Vukcevic, se tre studentet ceke, ishin viktima te "shtepise se verdhe", qe u lokalizua ne nje fshat ne Burrel, aty ku aludohet se gjate luftes se Kosoves, ishin kryer trafik organesh. "I kemi vertetuar te gjitha mundesite, i kemi krahasuar informacionet dhe mostrat qe i kemi dhe nuk eshte vertetuar se kemi te bejme me tre personat e zhdukur", citohet nga agjencia ceke CTK, shefi i policise Jan Noga. "Kontrolluam te gjithe pistat, krahasuam informacionet dhe provat qe kishim, dhe nuk konfirmojme se ndonje prej tre studenteve te kete qene pjese e ketij trafiku", eshte shprehur zyrtari i larte i policise ceke. Reagimi i tij vjen, pas deklarimit ne fund te vitit te kaluar te prokurorit serb Vukcevic, se tre studentet ceke, ishin viktima te trafikut te organeve, qe kryheshin ne te ashtuquajturen "shtepi e verdhe", per te cilen Beogradi pretendon se njerezve u hiqeshin organet dhe me pas shiteshin ne tregun e zi. Trafiku i organeve, per te cilin akuzohej Ushtria Clirimtare e Kosoves, eshte permendur edhe ne librin e ish-kryeprokurores se Tribunalit te Hages, Karla Del Ponte. Por pretendimet e prokurorit serb, Vukcevic, bien ndesh me faktet e kohes. Tre studentet ceke rezultojne se te zhdukur ne vjeshten e vitit 2001, kohe ne te cilen UCK, nuk kishte me asnje funksion dhe nuk ekzistonte me, pasi lufta kishte mbaruar ne vitin 1999.
Hetimet
Policia shqiptare me kerkese te asaj ceke, ka rihapur serish hetimin per zhdukjen e 3 studenteve ceke, Mihal Pavelka, Jan Pavelka dhe Lenka Tuckova, duke ofruar si shperblim 100 mije dollare, per cdo informacion te vlefshem, per ate se cfare kishte ndodhur me 3 te rinjte, ne zonen e Dukagjinit. Per kete qellim, Drejtoria e Pergjithshme e Policise se Shtetit, ka kerkuar bashkepunim me banoret e zonave te Shkodres, Malesise se Madhe, Tropojes dhe Pukes. Sipas policise shqiptare, dyshohet se zhdukja e studenteve ceke, mund te jete pasoje e ndonje sulmi per grabitje, por deri tani ende nuk ka asnje te dhene te sakte. Tre studentet u zhduken gjate udhetimit te tyre turistik ne Alpet e Shqiperise. Itinerari i udhetimit te tyre ishte ne komunat Shale, Shosh, Pult, Shllak, Postribe dhe Temal. Nga te dhenat e banoreve, ata jane pare per here te fundit ne Theth, ne gusht te vitit 2001.
Te zhdukurit
Mihal Pavelka, 23 vjec, me floke ngjyre kafe te shkurtra, sy ngjyre blu, gjatesia 1 m e 90 cm, me trup te holle.
Jan Pavelka, 22 vjec, me floke kafe ne gri, te prera shkurt, sy ngjyre kafe, i gjate 1 m e 85 cm, mbante syze.
Lenka Tuckova, 23 vjece, me floke kafe te drejta, te gjata deri ne shpatulla, sy ngjyre blu dhe e gjate 1 m e 75 cm.
Shperblimi
100 mije dollare, eshte shperblimi i ofruar nga policia shqiptare, per cdo persona qe jep informacion te vlefshem per gjetjen e trupave te tre studenteve ceke. Policia njoftoi se garanton te gjithe fshehtesine e informacionit qe do te jepet, ne funksion te ketij qellimi.
Hipotezat serbe per trafik organesh ne Shqiperi
Vitin e kaluar, Serbia i kerkoi zyrtarisht Keshillit te Evropes, te nise hetimet per ceshtjen e trafikut te organeve ne Shqiperi. Ajo pretendon se gjate kohes se luftes se Kosoves ne vitin 1999, disa qindra te burgosur serbe, ishin kaluar nga UCK nepermjet kufirit Kosove-Shqiperi, ku disa ishin vrare dhe disa te tjere, kane qene viktima te trafikut te organeve, qe kryheshin ne nje shtepi ne Burrel. Per te hedhur drite per kete hipoteze te Serbise, raportuesi i posacem i OKB-se, Filip Alston, gjate nje vizite ne Shqiperi ne shkurt te ketij viti, i kerkoi institucioneve shteterore shqiptare, qe KE, EULEX dhe OKB, te kryejne hetimet e duhura te pavarura.