Studentet, dy net me Cajupin
Duke kerkuar neper garderobat e Teatrit te Operes dhe Baletit e ne ate te Akademise se Arteve, me qellim per te gjetur kostumet e duhura per personazhet e komedive te njohura te Cajupit, studentet e vitit te dyte te regjise se drames ne Akademi, kane ndjere per here te pare emocionin qe te ndjell nje veper e vertete. Dikush ka prekur me dore kostumin e doktor Adham Utit, dikush tjeter te Zenelit. Dikush ka gjetur shamine paksa te grisur qe mbante nje here e nje kohe ne koke Tinka Kurti ne filmin e pare shqiptar “Tana”. Po ajo shami do te vendoset mbi koken e nje prej studenteve, qe do ta aktroje kete fundjave ne shfaqjen teatrale “Kujtime nga Cajupi”.
Sa me shume gjera kane zbuluar nga e shkuara e teatrit, sa me shume prova kane bere per te ndertuar shfaqjen e tyre te re, aq me shume duket se jane bere te pergjegjshem per misionin qe kane marre persiper te kryejne: te sjellin ne nje nate dy prej komedive me te njohura te Cajupit, “Pas vdekjes” dhe “14 vjec dhender”.
Do te jene plot 12 studente, te mbledhur nga nje projekt i kompanise teatrale “Atelier 31” dhe Qendres Nderkombetare te Kultures “Pjeter Arbnori”, qe do t’i japin te tjera ngjyra e te tjera tone komedive te famshme te Cajupit ("Pas Vdekjes" qe demaskon perfaqesuesit me tipike te pseudopatrioteve dhe “14 vjec dhender”, qe demaskon mentalitetin patriarkal te atyre koheve). Personazheve te Cajupit, ne shfaqjen e studenteve duket se do te mbeten te paprekur vetem emrat. Gjithcka tjeter e tyre do te trajtohet duke i vendosur ne keto kohe.
Pedagogia e tyre, Sonila Kapidani, sqaron se “do te jete nje shfaqje qe do te ndertohet mbi teatrin e trupit dhe levizjes. Tekstit te ketyre dy komedive, sic e ka theksuar dhe kritiku Adriatik Kallulli, i eshte bere operacion”. Pra, duhet te presim dy komedi shume ndryshe nga ato klasiket qe kemi pare deri me sot. Ato do te realizohen ne skenen e QNK-se nga dy stafe aktoresh, pra per cdo rol do te kete dy aktore dublante ose me mire te themi studente dublante (Xhemi Demi, Oriana Cama, Valdrin Hasani, Endri Celo, Benard Laze, Anila Balla, Daniel Zhuli etj.)
Pedagogia e tyre eshte e bindur se ata do te arrijne te realizojne nje shfaqje shume te mire kete fundjave, jo vetem te shtunen, me daten 22, por edhe te dielen, dt. 23 dhjetor. “I kam ndjekur keta studente qe ne vitin e pare kur nisen studimet. Kemi bere disa turne shfaqjesh me ta jo vetem ne Shqiperi, por edhe ne Maqedoni ndaj tani e di mire se cfare mund te bejne. Qellimi i kompanise “Atelier 31” eshte pikerisht ky, te zbuloje dhe promovoje talentet e reja ne teater”. Kjo shfaqje duket se do te jete nje shans i mire per ta. Ndaj, jo me kot ata kane dite e dite te tera qe i jane futur seriozisht punes, duke bere prova me ore e ore te tera ne sallat e Akademise e tani se fundmi dhe ne sallen e vogel te Qendres Nderkombetare te Kultures.