Viti 2007, cmimet e shtepive rriten 25%
Blerina Hoxha
Cmimet e banesave ne Tirane jane rritur kete vit me shume se 25 per qind ne krahasim me vitin qe shkoi. Vleresimin e ka bere Banka e Shqiperise, duke sqaruar se vellimi i ndertimeve e reja ishte rreth 8 per qind me i vogel ne krahasim me vitin 2006. Autoriteti qendror bankar tha se, kufizimi ne dhenien e lejeve per ndertime te reja ka frenuar rritjen e ofertes se godinave te banimit. Kerkesa per ambiente banimi vleresohet te jete e larte dhe ne rritje. Rritja me e shpejte e kerkeses ne krahasim me oferten, ka ushtruar presion ne rritjen e vazhdueshme te cmimeve te banesave dhe ne renien e ritmit te rritjes te shitjeve, ne sektorin e ndertimit. Banka e Shqiperise sugjeron se, treguesit e drejtperdrejte dhe te terthorte te aktivitetit te prodhimit ne kete sektor, tregojne se ecuria e metejshme kerkon nje vemendje me te madhe, vecanerisht ne orientimin me te mire te burimeve financiare, private apo publike. “Zhvillimet ne degen e ndertimit gjate viteve te fundit, vecanerisht perqendrimi i skajshem i ndertimeve ne territore te caktuara, deshmojne per mungesen e vazhdueshme te vizionit te zhvillimit urban, duke mos garantuar qendrueshmerine afatgjate te deges”, veren autoriteti qendror bankar. Per me teper, cmimi i apartamentit nuk ndryshon nese apartamenti blihet per here te pare apo rishitet i vjeter dhe cmimet e apartamenteve te rishitura, luhaten ndjeshem nga njera zone ne tjetren. Aktualisht, nje pjese e konsiderueshme e blerjeve per pasuri te patundshme kryhet me financim nga sistemi bankar. Pjesa me e madhe e aktoreve te tregut, jane te mendimit se financimi me kredi bankare ka njohur rritje, gjate vitit te fundit. Kredia e dhene per blerjen e pasurive te patundshme, e akorduar nga sistemi bankar, zakonisht perben 80 per qind te vleres se kolateralit. Te gjitha bankat e sistemit perdorin metoden e vleres se tregut per vleresimin e kolateralit. Po keshtu, bankat aplikojne per kredine hipotekare si norma interesi fikse ashtu dhe norma interesi te luhatshme. Per me teper, ende dega e ndertimit vazhdon te mbizoterohet nga ndertimet per banesa, duke lene shume prapa zera te tjere strategjike sic jane investimet ne infrastrukturen rrugore. Mirepo situata ne kete drejtim ka filluar te ndryshoje ne kete vit dhe pritet qe tendenca te thellohet ne vitet ne vazhdim. Rritja e investimeve publike ne infrastrukturen rrugore ne vitin 2008 eshte nje rritje e cilesise ne sektorin e ndertimit.