Studentet e Durresit, studime dhe ne Gjermani

Studentet e deges 2-vjecare per Specialist Rrjetesh Kompjuterike ne Universitetin "Aleksander Moisiu" te Durresit do te kene mundesi te ndjekin studimet per 1 vit ne universitetin gjerman te "Landshut", ne Mynih. Marreveshja eshte nenshkruar ne Durres, ku pervec rektoreve dhe zevendesve te universiteteve respektive, ka qene i pranishem dhe ambasadori gjerman ne Shqiperi, si dhe Zevendeskryeministri Genc Pollo. Sipas Agim Kukelit, rektor i Universitetit "Aleksander Moisiu", studentet do te ndjekin nga nje deri ne tre semestra, ne Gjermani dhe te njejten gje do bejne dhe studentet gjermane qe do vijne ne Durres. Deri tani ne Durres jane diplomuar vetem 2 studente ne degen specialist i rrjeteve kompjuterike, ndersa kerkesat e larta te universitetit pritet te filtrojne dhe studentet e tjere qe nuk jane diplomuar ne kohe. Viti i dyte akademik per kete dege ka 100 studente, ndersa ne vit te pare priten 150 regjistrime. Shkembimi i studenteve pritet te nise gjate semestrit te dyte per vitin akademik qe starton pas disa ditesh. Per ambasadorin gjerman marreveshja eshte nje start i mire per strategjine e qeverise se tij qe per vitin 2009 synon mbeshtetjen e nismave te bashkepunimit ne sektorin shume te rendesishem te shkences. Nderkohe qe sipas rektorit te Universitetit, Agim Kukeli, per kete vit akademik qe eshte i treti per kete universitet, do te ndjekin studimet 3500 studente. Per kete vit leksionet mesohet se do te jepen pergjate orarit 08:00 te mengjesit deri ne 20:00 te mbremjes. "Studentet mund te zgjedhin orarin qe preferojne per leksionet dhe kjo menyre u vjen atyre ne ndihme per punen jashte orarit te leksioneve", tha Kukeli.