Korrupsioni, studentet ankohen per "shitje" provimesh

Shumica derrmuese e studenteve te pyetur gjate nje sondazhi mbi korrupsionin ne shkollat e larta publike shqiptare ka pohuar pa medyshje se pedagoget e tyre jane te korruptuar. Me sakte, kete e kane deklaruar rreth 90 per qind e te rinjve. I zhvilluar para pak kohesh, sondazhi perfshiu rreth 1 mije studente ne Universitetin e Tiranes, ate Politeknik, Bujqesor, Akademine e Arteve, Akademine e Sportit, Universitetin e Elbasanit, Shkodres dhe Vlores. Provimet jane, sipas raportit, "thembra e Akilit" per moralin e pedagogeve. Shume prej te pyeturve madje pohojne se ua dine tarifat qe marrin pedagoge te caktuar, per provim. Me te shtrenjte jane ata te Universitetit te Tiranes, te cilet u kerkojne studenteve mesatarisht 300 euro per provim. Pas ketij universiteti radhen, sipas te dhenave, e ka Universiteti Politeknik me afersisht 200 euro per provim. Me "i liri" eshte Universiteti i Elbasanit, pedagoget e te cilit kerkojne rreth 80 euro per t'i vene note kaluese nje studenti. Shifrat kane qene po kaq te zymta, kur studentet pyeten se sa te korruptuar jane pedagoget ne universitetin ku ata studiojne. Plot 21 per qind mendon se ata jane shume te korruptuar, 40 per qind te tjere mendojne se pedagoget jane te korruptuar, 29 per qind te tjere mendojne se ata jane pak te korruptuar. Vetem 8 per qind e studenteve te pyetur mendojne se pedagoget nuk jane fare te korruptuar. Universiteti i Elbasanit ka dale sipas sondazhit, me e korruptuara shkolle e larte ne Shqiperi.