Studentet e Infermierise mundesi punesimi ne QSUT

Studentet e shkelqyer te Fakultet te Infermierise por edhe ata te cilet do te specializohen do te kene mundesi punesimi ne Qendren Spitalore Universitare "Nene Tereza". Kjo ka qene deklarata e bere nga drejtori i QSUT-se, Ilir Dashi i cili u ka premtuar studenteve me te mire punesim ne spitalin e ri qe do te hapet gjate ketij viti. "Sot, 40 per qind e punonjesve ne QSUT-se, jane infermiere dhe per ne ju jeni trupi kryesor per realizimin e detyrave tona. Por edhe ne me projektet qe kemi perpara, do te ofrojme me te miren. Spitali i ri eshte nje sfide per ne, por kenaqesia ime do te jete me emerimet e reja qe do te behen ne kete spital, pikerisht nga studentet te cilet sot jane ne keto auditore. Specializimi i tyre ne vendet e zhvilluara evropiane perben nje avantazh per ne, pasi me rikthimin e tyre ne do te kemi ekspertet me te mire ne fushen e fizioterapise", ka pohuar Dashi. Drejtori i QSUT-se ka nenvizuar edhe faktin e perfitimeve qe do te kete stafi infermjeror nga reformat te cilet do te kryhen ne vazhdim, hartimi i protokolleve te mjekimit. Kjo do te sjelle nje pune me komode per infermieret pasi cdo pacient do te trajtohet sipas protokolleve te percaktuara te nje diagnoze. Ndersa gjate dites se djeshme Fakulteti i Infermierise ka zhvilluar Konferencen e Pare te Fizioterapise, ku u shperndane certifikatat e specializimit ne Belgjike per pese studente te dalluara. Studentet do te specializohen ne Belgjike per nje periudhe 40 javore dhe me pas sipas kontrates, do te rikthehen per te bashkepunuar me Fakultetin e Mjekesise por edhe me QSUT.