Studentet e Mjekesise, pergjysmohen provimet Luljeta Ndoka
Duket se kete vit akademik do te marre fund saga e vuajtjeve per studentet e Fakultetit te Mjekesise, te cilet jane perballur prej vitesh jo vetem me mungesen e teksteve, por edhe ne rastet kur ato i kishin, ishin mjaft te mbingarkuara. Nga ana tjeter, ato ishin tekste mjaft te vjetra, gje qe e kane vene ne dukje shpesh autoritete te qeverise dhe te arsimit. Dekani i Fakultetit te Mjekesise, Bajram Hysa, eshte shprehur dje se shume lende jane grupuar ne nje te vetme, nderkohe qe studentet duke filluar qe nga 8 tetori e pergjate gjithe vitit do te kene me pak provime. Kesisoj, kete vit akademik studentet e fakultetit te Mjekesise do te perballen me kurrikula te reja. Sipas dekanit Hysa, ndryshimi ka nisur nga vitet e para te ketij fakulteti. Sipas numrit nje te Fakultetit te Mjekesise, sivjet eshte bere nje transformim rrenjesor i kurrikulave te vitit te pare. Riformatimi, sipas tij, nis gradualisht, ndersa po behen edhe disa ndryshime ne kurrikulat e viteve te tjera kryesisht duke bere nje formatim te kurrikulave aktuale. "Keshtu, nga 66 provime qe ka pasur fakulteti i Mjekesise, tashme do te kete 34 provime. Per shembull, brenda shendetit publik, lendet e peraferta, sic eshte menaxhimi shendetesor, ekonomia e shendetit dhe organizimi shendetesor, tani jepet nje lende", - tha Bajram Hysa, dekan i Fakultetit te Mjekesise. Por, dekani Hysa ngre dhe nje tjeter shqetesim qe ka te beje me faktin se te rinjte qe diplomohen ne Mjekesi, synojne vetem Tiranen, apo qytetet e medha urbane duke mos i preferuar zonat rurale. Nese vazhdohet keshtu, shume shpejt zona te ndryshme te vendit do te mbeten pa sherbimin mjekesor. "Ka nje perqendrim shume te madh te mjekeve ne qendrat e medha urbane, sic eshte Tirana, Durresi, Fieri, Vlora, Shkodra, Korca dhe vende te tjera. Dhe ka mjaft mungesa ne zonat rurale. Pikerisht ky raport per t'iu pershtatur standardeve europiane eshte ne disproporcion jo te drejte ne raport me nevojat qe ne kemi", - tha Hysa. Numri i studenteve ne te gjitha vitet e studimit ne fakultetin e Mjekesise, per sistemin me kohe te plote shkon ne rreth 3000. Ky eshte fakulteti i trete, per numrin e larte te te rinjve nder 8 te tille qe ka Universiteti i Tiranes. Shpeshhere, mbingarkesa dhe tekstet mesimore kane qene ne shenjester te shume deklaratave, madje edhe te Kryeministrit te vendit, Sali Berisha, i cili ka deklaruar se tekstet e mjekesise jane shume te vjetruara dhe se duhet bere nje riformatim rrenjesor i tyre.