Studentet nuk terhiqen, duan diplome juristi

Vlore- Greva e studenteve te Juridikut ne Universitetin "Ismail Qemali" te Vlores, hyn ne diten e trete te saj. Te sapodiplomuarit qe kundershtojne diplomen si nje leter pa vlere, kerkojne qe t'u njihet titulli i juristit dhe jo ai i njohesve te ligjeve. I pranishem ne ambientet ku jane ngujuar studentet, dje ka qene edhe deputeti i qarkut dhe njekohesisht kreu i PS-se se Vlores, Eltar Deda. Duke mbeshtetur te rinjte, Deda deklaroi se drejtuesit e rektoratit nuk duhet te bejne komunikime me e-mail, por te vijne e ta shohin nga afer situaten e krijuar, me qellim qe te japin nje zgjidhje. Por dje ka reaguar edhe Ministria e Arsimit dhe Shkences nepermjet kreut te saj, ministrit Myqerem Tafaj. Ai konfirmoi edhe nje here se te gjithe studentet qe kane perfunduar arsimin e larte u njihet diploma dhe se greva ku ishin futur eshte e padrejte. Edhe dje studentet kembengulen se pa marre nje zgjidhje per kete ceshtje nuk do te dalin nga ngujimi. "Une jam nga ana e ligjit, qe ai te respektohet dhe te zgjidhet ngerci institucional. Kerkoj nga rektorati dhe ministria zgjidhjen e ketij ngerci nepermjet bashkepunimit. Rektori duhet te jete ketu, pasi kjo nuk zgjidhet me e-mail",-tha Deda para studenteve dje. Studentet kembengulen qe ceshtja e tyre te mos behet politike, por kerkojne vetem diploma te njejta si me studentet e Tiranes. Kurse MASH-i deklaroi dje se "te gjithe studentet qe kane perfunduar studimet universitare 4-vjecare, ne te gjitha Institucionet e Arsimit te Larte ne vitin akademik 2008-2009, perfshire studentet e Universitetit "Ismail Qemali" te Vlores, kane diploma te njejta".

O. Hila