Studimi, një në 20 nxënës britanikë : Hitleri trajner

Një në 20 nxënës shkolle në Britaninë e Madhe, mendon se Adolf Hitleri ishte një trajner gjerman i skuadrave të futbollit. Një lajm i tillë është bërë i ditur pas një studim i cili ka rezultuar të jetë jo pak shokues. E njëjta shifër apo i njëjti numër nxënësish mendon ndërkaq se Holokausti ishte një festë e zhvillluar në përfundim të luftës. Po sipas studimit, një në 6 të rinj beson se kampi famëkeq i përqëndrimit, Auschëitz, ishte një park argëtimi dhe një në 12 të tjerë, mendon se "Blitz" ishte një operacion europian spastrimi që u ndërmor pas Luftës së Dytë Botërore. Sipas tabloidit britanik "The Sun", këto rezultate janë konkluduar nga një sondazh, ku u anketuan 2000 fëmijë të moshës nga 9 deri në 11 vjeç, lidhur me dy luftërat botërore. Anketimi është zhvilluar nga një Erskine, një mision bamirësie për veteranët. 25 % e të anketuarve thanë se nuk mendojnë për ushtarët që vdiqën gjatë asaj kohe dhe 40 % nuk e kanë as idenë se kur është Dita e Pekujtimit. Shefi ekzekutiv i "Erskine" tha se disa nga përgjigjet e anketimit kanë qenë tronditëse dhe se ata tashmë kanë punë për të bërë, jo vetëm në përkujdesjen për veteranët, por edhe për edukimin e shoqërisë. Ai shtoi se fëmijët janë e ardhmja e vendit dhe është e rëndësishme që ata të ndihmohen të mësojnë për historinë e Gjermanisë. Erskine, një organizëm që siguron përkujdesje shendetësore dhe asistencë për veteranët, tani do të marrë pjesë në një projekt kombëtar për të edukuar fëmijët për luftërat botërore.