Stuhia bora dhe akulli bllokojne rruget

Zona verilindore vazhdon te ngelet nen pushtetin e bores dhe temperaturave te uleta. Ulja e temperaturave ne Bulqize eshte shoqeruar me ere te forte qe ka sjelle probleme ne aksin kryesor nacional Bulqize - Peshkopi. Per pasoje rreth 70 automjete jane bllokuar per disa ore mbremjen e se merkures tek vendi i quajtur Guret e Skenderbeut ne Vajkal. Po keshtu si pasoje e akullit ne rruge dhe prurjes se debores nga era e forte duke ngritur prita te medha per gati 2 metra te larta. Nderkohe per borepastrueset ka qene mjaft e veshtire hapja e rruges pasi prania e bores qe sillte era ishte shume e madhe. Po ashtu bllokim te rruges ka pasur dhe ne aksin qe lidh lagjen e vjeter me lagjen e re ku rreth ores 17 pasdite me dhjetera makina kane ngelur te bllokuara si pasoje e bores qe behej prezente nga era e forte. Nderkohe edhe gjate dites se djeshme rruga qe lidh keto dy lagje ne mengjes ka vazhduar te jete e bllokuar prej sasise se madhe te bores qe eshte mbledhur nga era e forte. Gjithashtu moti i keq i ftohti dhe ngricat ka shkaktuar ne qarkun e Dibres nje situate edhe me problematike. Reshjet e bores kane ndaluar por territori eshte perfshire nga temperatura te uleta dhe erera te forta qe arrijne nga -10 grade ne Peshkopi deri ne -20 grade ne Bulqize. Prej dy ditesh si pasoje e eres se forte ka pasur probleme ne aksin nacional Peshkopi - Tirane ne nje segment prej 4 km nga Fushe-Bulqiza deri ne Qafen e Buallit. Ne kete aks vazhdojne te punojne 5 mjete borepastruese duke bere te mundur mbajtjen nen kontroll te situates. Problematike ka qene situata gjate nates se kaluar ne aksin Qafa e Buallit - Kraste ku si pasoje e furtunes dy furgone dhe nje autoveture jane bllokuar deri ne mengjesin e se enjtes. Drejtoria Rajonale e Rrugeve dhe e Policise ka apeluar qytetaret qe ne te tilla kushte te evitojne ne maksimum levizjet e panevojshme deri ne permiresimin e kushteve atmosferike. Nderkaq vazhdon te jete i bllokuar aksi qe lidh Peshkopine me Librazhdin ne vendin e quajtur Qafa e Dragalices.