"Stuko", pranga 4 personave, falsifikonin produktet ushqimore

Tirane- Kater persona te dyshuar per prodhim dhe tregtim te kunderligjshem te artikujve industriale jane arrestuar nje dite me pare ne nje operacion te Policise se Tiranes. "Stuko" u kodua operacioni ne pranga te te cilit perfunduan Avni Barjaktari, 45 vjec, Arjan Kona, 38 vjec, Agron Ramlli, 46 vjec dhe Aurel Cezma, 34 vjec, te kater banues ne Tirane. Policia e kryeqytetit ka ngritur ne ngarkim te tyre akuzat e "prodhimit te kunderligjshem te artikujve industriale dhe ushqimore", "mashtrimit" dhe "falsifikim te vulave, stampave ose formulareve". Sipas njoftimit zyrtar te policise, mesohet se te kater personat u kapen ne kushtet e flagrances, ne kohen qe merreshin me prodhimin dhe tregtimin e produkteve ndertimore te falsifikuara ne disa qendra, nder te cilat brenda ambienteve te ish- Uzines "Dinamo". Me cilesine e proves materiale atyre iu bllokuan 5000 thase me produkte ndertimi kolle dhe fino, me etiketa te falsifikuara, 12 lastra per stampimin e mbishkrimeve tek ambalazhet e produkteve te ndertimit, 200 thase ambalazhi bosh per keto produkte, etj. Policia tha dje se, hetimet per ceshtjen kishin nisur qe ne tetor te vitit te kaluar, kur ishin siguruar informacione per nje subjekt ne Tirane.