Suarez do të bëhet legjendë e Liverpoolit

Kapiteni i Liverpoolit Steven Gerrard është aq i bindur nga paraqitjet e Luis Suarezit sa që është i sigurt se sulmuesi uruguaian do të bëhet legjendë në Anfield Road.

Suarez ka bërë ndikim të madh në Liverpool pas transferimit në janar nga Ajax Amsterdam.

I pyetur nëse Suarez mund të bëhet ikonë e klubit, Gerrard tha: “Pse jo. Ai është ende i ri dhe jam i sigurt se do të bëhet edhe më i mirë se tani. Shpresoj të mbetet për një kohë të gjatë, historia është për tu shkruar”.