Suedia, mbeshtetje per integrimin ne NATO e BE

Kryetari i Parlamentit te Suedise, Per Vesterberg zhvilloi ne diten e dyte te vizites se tij ne Tirane, takime me Presidentin e Republikes, Bamir Topi dhe kryeministrin Sali Berisha. Gjate takimit me kreun e shtetit Topi, nenvizoi rendesine e bashkepunimit ekonomik mes dy vendeve dhe kerkoi te inkurajohet nxitja e angazhimit te kompanive dhe te investimeve suedeze ne vendin tone, pasi kuadri i nevojshem ligjor dhe institucional dhe anetaresimi i pritshem i Shqiperise ne NATO, garantojne sigurine e veprimtarive dhe terheqjes se investimeve ne Shqiperi. Nga ana e tij, kryetari i Parlamentit suedez, Vesterberg, shprehu admirimin per perparimin e jashtezakonshem te shenuar nga vendi yne gjate viteve te fundit, duke shtuar se klima e mire dhe e sigurt ne vendin tone eshte e favorshme si per rritjen e shkembimeve tregtare-ekonomike, ashtu edhe per rritjen e interesit te investitoreve suedeze. Ndersa kryeministri Berisha theksoi se NATO dhe BE, jane dy projektet tona madhore dhe te gjitha perpjekjet tona jane te perqendruara ne keto dy projekte. Kryeministri Berisha e njohu kryetarin e Parlamentit te Suedise me reformat ne fushen ekonomike duke evidentuar faktin se, Shqiperia eshte tashme vendi me barren fiskale me te ulet ne Evrope.