Sukth kandidon ndersa eshte duke vuajtur denimin
Kandidati i Pavarur per Kryetar Bashkie ne Sukth Hysen Llaca rezulton te jete i denuar me 8 muaj burg dhe Prokuroria e rrethit Gjyqesor Durres regjistroi ndaj tij procedimin penal per falsifikim dokumentesh dhe per falsifikim te dokumenteve dhe rezultateve te zgjedhjeve.
Prokuroria njoftoi Komisionin e Zones se Administrimit Zgjedhor nr.9 mbi procedimin penal ndaj Hysen Llaces. Ne kete shkrese behet e ditur se disa nga formularet e mbeshtetesve qe kane sherbyer si baze dokumentare per percaktimin e kandidateve te pavarur per kryetar bashkie ne Sukth jane te falsifikuara.
Sipas prokurorise pas ekspertimit ka rezultuar se nga tete deklarata te denoncuara si te falsifikuara kater prej tyre dhe konkretisht te shtetasve Anesti Dakoli Vasilika Petani Kristina Petani dhe Bajram Kebej nuk jane shkrimet dhe nenshkrimet origjinale te ketyre mbeshtetesve te bera ne deklarata.
Prokuroria deklaroi gjithashtu se Llaca eshte person i denuar me 8 muaj burg dhe 400 000 leke gjobe. Shkresa veren se kandidati i pavarur me vendimin penal nr.479 dt.10.09.2008 te Gjykates se rrethit Gjyqesor Durres eshte deklaruar fajtor per vepren penale te shperdorimit te detyres kryer ne bashkepuni.
Denimi me burgim eshte pezulluar per nje periudhe kohore prej 3 vjetesh por ka hyre ne fuqi ne shkurt 2009. Si rrjedhoje sipas prokurorise rezulton se Llaca eshte ende duke vuajtur nje denim te dhene nga gjykata qe mbaron ne vitin 2012.