Sulmohet një veturë e Policisë në veri
Nga Express më 14 shkurt 2011 në ora 12:14
Një veturë e Policisë së Kosovës, është sulmuar dhe dëmtuar nga një grup i serbëve në udhëkryqin kryesor në Zubin Potok.
Siç njofton policia, rasti i dëmtimit është regjistruar rreth të dielën orës 10.15.
“Dy zyrtarët policorë kanë njoftuar se një grup i papërcaktuar personash të panjohur, kishin sulmuar automjetin e tyre me gurë dhe me mjete të forta, në kohën kur automjeti ishte i ndalur, ndërsa dy zyrtarët policor është dashur t’i shmangen rrezikut personal deri në arritjen e asistencës policore”, thuhet në njoftim.
Deri më tani policia nuk ka arritur të identifikojë ndonjërin nga sulmuesit.