Superliga per Europen sot luhen dy ndeshje
Janë dy ndeshje shqiptare që mund të quhen pa u guabuar aspak “europiane”. Superliga shqiptare e mbyll bukur javën e saj të 27-të duke nxjerrë në fushë Vllazninë përballë Dinamos dhe Tiranën ndaj Laçit. Të dyja në orën 16:00 dhe me një objektiv në mes: pjesëmarrjen sezonin e ardhshëm në kupat e Europës.
Shkodranët janë ende në vend të tretë, një pozicion që ka nisur të lëkundet nga java në javë, ndërsa me Dinamon kanë edhe një llogari të hapur sepse sapo u eleminuan nga kupa si dhe janë mundur brenda në “Loro Boriçi”, 4-0 në fazën e parë të kampionatit. Një fitore do ta lehtësonte presionin e Laçit që ka sot ndeshjen e vështirë në kryeqytet, ndërsa çdo rezultat tjetër do të prishte punë. Për blutë mund të quhet shansi i fundit që t’i afrohen kontinentit nga kampionati dhe vetëm fitorja bën punë e çdo rezultat tjetër do të ishte një dështim.
Në “Qemal Stafa”, përballja është po ashtu tepër interesante. Një superfuqi e traditës përballë një “hirusheje” të kampionatit në dy vitet e fundit. Edhe për tiranasit mund të quhet treni i fundit për në Europë, nga ky drejtim, pasi ata kanë shpresë edhe në finalen e kupës, po ashtu si Dinamo. Diferenca me kurbinasit është 5 pikë dhe një fitore do ta shkurtonte në 2. Problem për trajnerin Krstiçeviç është se mungojnë sulmuesi Pejiç dhe mbrojtësi i qendrës Dushku, por edhe sepse ka pasur disa episode lidhur me disiplinën në javët e fundit, gjë që mund të ketë krijuar fërkime në skuadër.
Në përfundim të kampionatit, do të jetë vendi i tretë në renditje që do të shkojë në Ligën e Europës, ndaj edhe po luftohet për këtë vend nga katër skuadra të ndryshme.
Shkodranët janë ende në vend të tretë, një pozicion që ka nisur të lëkundet nga java në javë, ndërsa me Dinamon kanë edhe një llogari të hapur sepse sapo u eleminuan nga kupa si dhe janë mundur brenda në “Loro Boriçi”, 4-0 në fazën e parë të kampionatit. Një fitore do ta lehtësonte presionin e Laçit që ka sot ndeshjen e vështirë në kryeqytet, ndërsa çdo rezultat tjetër do të prishte punë. Për blutë mund të quhet shansi i fundit që t’i afrohen kontinentit nga kampionati dhe vetëm fitorja bën punë e çdo rezultat tjetër do të ishte një dështim.
Në “Qemal Stafa”, përballja është po ashtu tepër interesante. Një superfuqi e traditës përballë një “hirusheje” të kampionatit në dy vitet e fundit. Edhe për tiranasit mund të quhet treni i fundit për në Europë, nga ky drejtim, pasi ata kanë shpresë edhe në finalen e kupës, po ashtu si Dinamo. Diferenca me kurbinasit është 5 pikë dhe një fitore do ta shkurtonte në 2. Problem për trajnerin Krstiçeviç është se mungojnë sulmuesi Pejiç dhe mbrojtësi i qendrës Dushku, por edhe sepse ka pasur disa episode lidhur me disiplinën në javët e fundit, gjë që mund të ketë krijuar fërkime në skuadër.
Në përfundim të kampionatit, do të jetë vendi i tretë në renditje që do të shkojë në Ligën e Europës, ndaj edhe po luftohet për këtë vend nga katër skuadra të ndryshme.