Superliga, sezoni i ri më 23 gusht

Sezoni 2008-2009, që përkon edhe me Kampionatin e 70-të Kombëtar të Futbollit do të nisë në javën e fundit të gushtit. Trajneri i Kombëtares shqiptare, holandezi Ari Han, dëshiron që lojtarët nga kampionati vendas të kenë luajtur të paktën dy ndeshje.
Kështu, nisur nga kërkesa e ish-trajnerit të Kinës, kampionati pritet të fillojë, më 23 gusht 2008. Shqipëria ka programuar një miqësore ndërkombëtare, më 20 gusht (Sllovenia, Turqia, Estonia janë kandidatura).