Syte kater!

GJIROKASTER - Pas grabitjes se ndodhur ne kishen e Laboves se Kryqit, objekt kulti i shpallur "Monument Kulture", Drejtoria e Policise se Qarkut Gjirokaster po harton nje plan te vecante masash, per mbajtjen nen vezhgim te vazhdueshem te objekteve te trashegimise kulturore. "Pas grabitjes se 18 ikonave ne kete objekt me vlera te vecanta per sa i perket trashegimise kulturore dhe historike, ne jemi duke punuar ne bashkepunim me specialistet e monumenteve te kultures, per evidentimin dhe listimin e ketyre objekteve, per mbajtjen e tyre nen vezhgim te vazhdueshem nga policia, me qellim eliminimin e grabitjes se vlerave qe ato mbartin", thote zedhenesi i policise se Gjirokastres, Gentian Mullai. Ne Gjirokaster numerohen nje sere objektesh te trashegimise kulturore me vlera te vecanta, sic jane ato te perfshira ne UNESCO: Parku Arkeologjik i Antigonese, rrenojat e qytetit antik te Adrianopolit etj. Shqetesimin e saj ne lidhje me ruajtjen e vlerave te trashegimise kulturore ne rrethin e Gjirokastres e ka shprehur edhe dega e Levizjes Socialiste per Integrim. Drejtuesit e saj kerkuan marrjen nen mbrojtje nga ana e shtetit te ketyre vlerave te paperseritshme historike dhe kulturore.
B. Shehu