TAP, Greqia me propozim te ri: Te perfshihemi dhe ne! Eglantina Nasi

Duke e ndjere tashme rrezikun e te mos qenit nje qender gjeo-strategjike ne tregun rajonal te transportit te gazit, Greqia duket se po hamendeson ide te reja per te mos qene te pakten e shkeputur prej tij. Nje e tille eshte pikerisht ajo e perfshirjes se shtetit tone fqinj, ne rruge-kalimin e gazsjellesit Trans-Adriatik (TAP). E publikuar nga media greke "Ekathimerini" ne nje artikull te posacem, ajo interpretohet si nje mundesi per mos ta lene Greqine jashte projektit te madh per transportin e gazit azer ne Europe. Duke permendur faktin se tashme konsorciumi Shah Deniz ka zgjedhur pikerisht TAP-in si variantin e mundshem, per te sjelle ne Europe gazin nga Azerbajxhani, ne vend te propozimit grek-italian per projektin "ITGI" qe parashikonte linjen Turqi-Greqi-Itali per transportimin e tij, ky artikull shton se "gjithsesi, Korporata Publike Greke e Gazit (DEPA) dhe kompania italiane 'Edison', te cilat e paraqiten kete propozim, besojne se vendimi i marre nga Shah Deniz nuk eshte perfundimtar dhe se oferta e tyre eshte ende ne loje". Ne nje situate te tille, aludohet se qeveria greke eshte duke menduar per nje zgjidhje te situates, e cila duhet te jete e tille qe ta perfshije me cdo kusht edhe ate ne aferen e madhe te gazit azer. Konkretisht, permendet ideja e perfshirjes se Greqise ne projektin e TAP-it. "Deshtimi per ta bere kete, sipas eksperteve, mund ta shtyje Greqine jashte konkurrences per transportin e gazit natyror azerbajxhanas, te cilin Europa e konsideron jetik ne reduktimin e varesise nga Rusia", thekson artikulli ne fjale. Me tej, ai citon te flase Thanos Dokos, drejtorin e Fondacionit Helenik per Politikat Europiane dhe te Jashtme (ELIAMEP), sipas te cilit, TAP mund te sherbeje si nje baze nga mund te ripercaktohen edhe marredheniet midis Athines dhe Tiranes. Sipas tij, qe te dyja ato kane shume per te fituar nga ndertimi i ketij tubacioni. "E ne cdo rast, - thekson Dokos, - Greqia nuk duhet te paraqitet e lekundur ne qellimin e saj per te qene pjese e hartes se transportit per gazin natyror ne Europe". Ne fund, artikulli i medias greke citon edhe projektet e tjera per realizimin e ketij transporti, te cilat jane ne loje aktualisht, si Nabucco apo "South Stream". Si edhe nje deklarate te bere nga ambasadori azer ne Greqi, Rahman Mustafayev, sipas te cilit, projekti i propozuar nga Greqia per transportimin e naftes ne Europe, ITGI, ishte refuzuar pjeserisht per shkak te destabilitetit ekonomik ne kete vend.

Propozimi tjeter: Te blejme aksione te TAP

Ndersa eshte duke aluduar per ta perfshire veten patjeter ne rrugen e transportit te gazit drejt Europes, permes TAP-it, Greqia duket se "ka ne sirtar" edhe nje variant tjeter per te mos qene jashte saj. Behet fjale per propozimin e blerjes se nje pakete aksionesh te projektit te gazsjellesit "Trans-Adriatik". Eshte pikerisht kompania e saj e gazit nen pronesi shteterore, e cila kerkon qe ta realizoje nje gje te tille. Duke synuar ne kete menyre, qe te behet pjese perberese te tij, te pakten nga ana e investimit, per te pretenduar me pas marrjen edhe nje pjese te fitimit nga aktiviteti i transportimit te gazit. Konkretisht, DEPA, behet me dije se kerkon te bleje sasine prej 15 per qind te aksioneve te gazsjellesit "Trans-Adriatik". Ndersa TAP, nga ana e tij, ka konfirmuar se pranon te filloje bisedimet lidhur me kete propozim.