TIA: Të publikohen fondet e partive në zgjedhje

Transparency International Albania,ka kërkuar sot nga institucionet shtetërore, që gjatë fushatës elektorale të 28 qershorit, të gjitha bizneset që kanë lidhje me tendera publikë të përjashtohen nga financimet e partive politike. TIA mendon se duhet të hartohet një listë e të gjitha bizneseve që duhet të përjashtohen nga financimet e partive. "U bëjmë apel institucioneve sëe fituesit e tenderave nuk mund të financojnë partitë për fushatën elektorale"- theksohet në deklaratë. Sipas këtij institucioni, partitë që do të marrin pjesë në zgjedhje duhet të bëjnë të ditur të gjithë financuesit e tyre gjatë fushatës si dhe shpenzimet, duke kërkuar në këtë mënyrë ndalimin e korrupsionit dhe financimit të jashtëligjshëm gjatë fushatës. TIA ka bërë apel që auditi i partive të kalojë nga Inspektorati i Lartë i Deklarimit të Pasurive.