TMK, tërhiqet qeveria, KFOR ofron tjetër mundësi

Prishtinë - KFOR-i është treguar fleksibël duke shprehur gatishmërinë që të thërrasë gjatë marsit ish-pjesëtarët e TMK-së të pakënaqur që t'u hyjnë edhe njëherë testeve dhe trajnimeve.

Menjëherë pas protestave të dhunshme të djeshme të ish-pjesëtarëve të TMK-së, Ministri i FSK-së, Fehmi Mujota ka deklaruar për mediat se me praktikën e re do tu japë fund protestave dhe pakënaqësive të tyre. "Urojmë që më të mirët të zgjedhen në Forcën e Sigurisë. Me rëndësi është që nuk do të ketë protesta", ka thënë ministri Mujota.