Tadiç i gatshëm për bisedime me Thaçin

Presidenti i Serbisë, Boris Tadic, shprehet i gatshsëm për bisedime kokë më kokë me kryeministrin e Kosovës, Hashim Thaçi. “Duhet të bisedojmë me këdo që shqiptarët e Kosovës e zgjedhin si përfaqësues legjitim të tyre” deklaroi Tadiç.

Sipas Presidentit serb duhet të hetohen akuzat e raportuesit të Këshillit të Evropës, Dick Marty mbi trafikimin e organeve, të cilat ndërlidhen me Thaçin.

Megjithatë dicka e tillë në asnjë rast nuk do të pengonte takimin mes liderëve pasi sipas tij nuk është e drejtë të mbahen qëndrime personale kur përfaqësohet interesi publik, duke shtuar se bashkësia ndërkombëtare “duhet të marrë qëndrim” lidhur me raportin e Marty-t.