Tadic kontakton OKB-ne KE-ne dhe NATO-n

Krerët më të lartë të shtetit serb janë vënë në lëvizje pasi janë informuar mbi operacionin e Policisë së Kosovës, duke kontaktuar menjëherë organizmat ndërkombëtare.

Presidenti Boris Tadic dhe kryeministri Mirko Cvetkovic kanë kontaktuar Komisionin Evropian, OKB-në, NATO-n dhe institucione të tjëra.

Për të kërkuar kthimin e situatës si më parë, Beogradi zyrtar ka dërguar në veri të Kosovës negociatorin Borko Stefanovic dhe ministrin Goran Bogdanovic, të cilët kanë zhvilluar bisedime me komandantin e KFOR-it, Erhard Buhler.

Në një prononcim për mediat serbe, Stefanovic ka deklaruar se qeveria Serbe i ka kërkuar palës kosovare tërheqjen e njësive speciale në këmbim të zhbllokimit të bllokadës serbe.