Tadic pret Meten ne Beograd: Duhet te punojme bashke, per integrimin evropian

BEOGRAD- Presidenti i Serbise, Boris Tadic ka pritur dje ne nje takim zyrtar zv/kryeministrin shqiptar Ilir Meta, ne kuader te nje vizite te shkurter qe numri dy i qeverise shqiptare ka zhvilluar ne Serbi. Gjate takimit te dy lideret e kane vene theksin tek thellimi i bashkepunimit mes dy vendeve, ndersa nuk kane nguruar te deklaroje se "Shqiperia e Serbia duhet te punojne se bashku per integrimin evropian". Njeheresh, kreu i shtetit serb, Boris Tadic nder te tjera nuk ka nguruar te uroje Meten per liberalizimin e vizave. Presidenti serb dhe bashkebiseduesit shqiptar, kane diskutuar ne kete takim te zhvilluar dje, per marredheniet me te dy vendeve, si dhe zgjerimin e bashkepunimit ekonomik dhe me gjere. Nga ana tjeter, marredheniet e mira mes Serbise dhe Shqiperise, Tadic dhe Meta i kane cilesuar si sherbimi me i mire ne favor te stabilitetit te rajonit dhe me gjere. Kreu i LSI-se shoqerohej ne kete takim nga Sekretari i Pergjithshem i LSI-se Luan Rama si dhe zevendesministri i Ekonomise Sokol Dervishaj. Gjithashtu Tadic, duke inkurajuar Shqiperine per reformat e bera, ne drejtim te integrimit ne BE, uroi Zv.Kryeministrin Meta per Liberalizimin e vizave. Nderkohe, Kryetari i LSI-se do te jete sot i pranishem ne kongresin e Partise Demokratike Serbe. Meta do te jete ne mesin e pese krereve te delegacioneve te partive te huaja, anetare te Internacionales Socialiste. Kreu i LSI-se do t'i drejtohet kongresit te kesaj partie me nje fjale te posacme, per te uruar zhvillimet e tij si dhe per te theksuar marredheniet e mira mes dy vendeve dhe dy partive respektive. Kjo eshte hera e dyte qe Meta takohet me Tadic brenda nje viti. Me heret ne postin e kreut te diplomacise shqiptare, Meta zhvilloi nje vizite zyrtare ne Beograd ku u takua edhe me kreun e shtetit serb.