Tahiri: Qeveria nuk po lufton korrupsionin

Deputeti i PS-së, Saimir Tahiri ka akuzuar qeverinë se nuk lufton korrupsionin, por e ndihmon atë.

"Mbi kokën e Sali Berishës dhe qeverisë së tij, rrinë ende si hije të zeza skandalet e njëpasnjëshme për të cilat askush deri më sot nuk ka dhënë llogari para drejtësisë", u shpreh Tahiri, duke përmenduar këtu tragjedinë e Gërdecit, rrugën Durrës-Kukës, shembja e tunelit, pronat në bregdet, prokurimet dhe investimet publike në çdo sektor shtetëror, etj.

Sipas tij, të gjitha këto janë janë vetëm disa nga dhuratat që Sali Berisha i ka bërë gjatë vitit 2009, vetes dhe shërbëtorëve të tij, duke vjedhur xhepat e qytetarëve shqiptarë.

"Arrestimet e djeshme nuk tregojnë e nuk mjaftojnë për të na bindur se po luftohet korrupsioni. Arsyeja pse arrestohen për korrupsion vetëm varësit e Lulzim Bashës qoftë kur ky ishte Ministër i Transporteve, ashtu dhe sot kur është Ministër i Brendshëm, duket se është vetëm një shfaqje ekstreme e luftës për pushtet brenda të njëjtës familje politike", tha më tej ai.