Taksa e sheshtë rrit të ardhurat me 209 për qind

Tatimi mbi të ardhurat personale ka pësuar rritjen më të ndjeshme gjatë periudhës janar-prill 2008, në krahasim me vitin e kaluar. Administrata tatimore raporton se të ardhurat nga kjo taksë e unifikuar në 10%, ose siç quhet ndryshe "taksa e sheshtë", rezultojnë me një rritje 209,8%. Kjo si pasojë e rritjes së saj nga 7% që ishte në vitin e kaluar. Për 4-mujorin e parë të këtij viti, të ardhurat tatimore nga ky lloj tatimi janë dyfishuar, pra janë realizuar rreth 40 milionë dollarë më shumë se e njëjta periudhë e vitit 2007.