Taksat e uleta, vijne sipermarresit gjermane

Sic u paralajmerua edhe gjate vizites ne Berlin te kryeministrit Berisha, sipermarresit gjermane kane ardhur ne Shqiperi per te pare mundesite per investime.

Ata jane nxitur te investojne ne Shqiperi, vecanerisht ne energjitike dhe ndertim nga numri dy i Ministrise gjermane te Ekonomise, i cili vleresoi politiken fiskale te vendit.

“Perpjekjet per reformat jane te jashtezakonshme dhe jane ne drejtimin e duhur. Ato i pergjigjen kerkesave moderne, vecanerisht politikat fiskale te ndjekura nga qeveria, pra ulja e barres fiskale ne 10 perqind. Qasja juaj politike pa diskutim eshte bashkekohore dhe efikase, gje qe e ka shnderruar Shqiperine ne nje vend terheqes per investitoret”, ka deklaruar Hartmut Schauerte, sekretar parlamentar per Ekonomine ne RFGJ.

Ne takimin me investitoret gjermane, kryeministri Berisha ka rikonfirmuar politiken e tij per taksa te uleta, si nje mundesi me e mire zhvillimi per vendin. “Une besoj ne taksat e uleta pasi per shoqerine shqiptare, parate ne kontot tuaja jane me te dobishme per shqiptaret”, ka pohuar kryeministri Berisha.

Ai foli edhe per perpjekjet ne luften kunder korrupsionit, duke deklaruar se synimi i tij per 4 vitet e ardhshme, nese rikonfirmohet ne zgjedhje, do te jete ngjitja e Shqiperise ne 20 vendet e para me nivelin me te ulet te korrupsionit ne bote.