Tatimet: Afati per kasat, fundi i dhjetorit, me pas gjoba

Bizneset duhet te instalojne kasat brenda dates 31 dhjetor 2010, ne te kundert, pas ketij afati per tatimpaguesit qe nuk kane plotesuar kete detyrim, Drejtoria e Pergjithshme e Tatimeve do te vijoje me vendosjen e gjobave. Deri me tani, sipas shifrave te Tatimeve, jane instaluar 26 mije e 454 pajisje fiskale. Mbeten edhe rreth tri jave qe te gjithe tatimpaguesit, te identifikuar si biznes i madh apo i vogel, te cilet nuk kane instaluar pajisjen fiskale, te mund ta kryejne kete proces. Drejtoria e Pergjithshme e Tatimeve, permes nje njoftimi per shtyp dha dje edhe detajet e metejshme, duke theksuar punen e Task Force-s ne terren, per kontrollin e mbarevajtjes se procesit te pajisjes me kasa. “Sektori Task Force i Drejtorise se Hetimit dhe Drejtorite e Verifikimit ne Terren ne Drejtorite Rajonale Tatimore, vazhdojne kontrollet dhe verifikimet per evidentimin e subjekteve, qe nuk jane pajisur me pajisje fiskale. Gjate periudhes 10 mujore jane verifikuar me shume se 19 mije subjekte, nga te cilat jane evidentuar 6 387 subjekte, per te cilat jane vendosur gjoba per mospajisje me pajisje fiskale, me vlere 424.830.000 leke”, thuhet ne njoftimin e Tatimeve. Thirrja per instalimin e pajisjeve fiskale, ne nje afat sa me te shpejte, vjen ne nje moment kur kane mbetur edhe rreth 3 jave, nderkohe qe per Tatimet tashme fakti qe keto kasa rimbursohen, duhet te perbeje nje nxitje me shume per biznesin per ta instaluar. Drejtoria e Pergjithshme e Tatimeve thekson se tashme procesi i vendosjes se kasave eshte i pakthyeshem dhe se pajisjet duhet qe te blihen nga kompanite e certifikuara nga Ministria e Financave. Aktualisht ne treg veprojne kater kompani te tilla, te cilat jane te ngarkuara me shitjen e kasave fiskale.