Tatimet mundësojnë një numër pa pagesë për ankesat e qytetarëve

Pranë Drejtorisë së Përgjithshme të Tatimeve, tashmë është funksionale një zyrë, që mbledh denoncimet e rasteve të evazionit fiskal, apo akteve korruptive në këtë sektor. Për këtë qëllim, është vënë në dispozicion një linjë falas telefonike 0800 14 14, ku mund të denoncohen aktet korruptive, apo sjelljet jo etike të punonjësve të administratës tatimore, si dhe evazioni fiskal apo shkeljet e ligjeve tatimore nga subjektet tatimpagues, të regjistruar ose jo. Sipas burimeve zyrtare të Drejtorisë së Përgjithshme të Tatimeve, mirëpriten denoncimet si nga tatimpaguesit, ashtu dhe qytetarët. Gjithashtu denoncimet mund të kryhen edhe me anë të letrave apo e-mailit.