Të burgosurit përfitojnë leje nëse sillen mirë

Nëse sillen mirë dhe nuk kanë asnjë vërejtje me shkrim nga drejtori i burgut ku qëndrojnë të dënuarve u jepet mundësi të shkojnë disa ditë me pushime pse jo për të bërë edhe plazh me të afërmit. Sipas drejtorisë së përgjithshme të burgjeve të dënuarëve, të cilët respektojnë rregulloren e brendshme të institucionit, kanë sjellje të mirë dhe nuk paraqesin rrezikshmëri shoqërore, për realizimin e interesave të tyre emocionale, personale, ekonomike dhe kulturore, drejtori i institucionit mund t'u japë leje shpërblyese, kohëzgjatja e të cilave, në total, nuk mund të jetë më shumë se 20 ditë në vit.
Kështu Leja shpërblyese i jepet:
Personave të dënuar deri në 3 vjet burgim, pasi të kenë vuajtur jo më pak se 1/4 e dënimit; personave të dënuar nga 3 deri në 10 vjet burgim, pasi të kenë vuajtur jo më pak se 1/2 e dënimit; personave të dënuar mbi 10 vjet burgim, pasi të kenë vuajtur jo më pak se 2/3 e dënimit.
Sipas burimeve nga burgjet mësohet se edhe këtë vit do të shihen keto kritere që të dënuarit të kenë mundësi të shkojnë në këtë sezon verore edhe në plazh.