Të gjithë për Ndryshimin në Shqipëri
Fron Nahzi/Publicist
Të gjithë premtojnë anëtarësimin në Bashkimin Europian, fundin e korrupsionit dhe të papunësisë. Së fundmi, partia që qeveris Shqipërinë, e ka rritur stekën, duke premtuar liberalizim vizash me SHBA-të. Kjo telenovelë udhëhiqet nga i moshuari Sali Berisha, i vetëshpallur gardian i demokracisë, që është aktualisht kryeministër dhe lider i Partisë Demokratike që qeveris vendin. Sfidues i tij është i riu Edi Rama, kryetar i Partisë Social- iste, ish-kryetar i Bashkisë së Tiranës. Të dy liderët shpallin se vota për partinë e tyre, do të udhëheqë vendin drejt ndryshimit. Slogani i Berishës është: “Ne jemi ndryshimi, Përpara”. Rama nga ana tjetër: “2013, viti i Ndryshimit”, shtuar edhe “të heqim qafe Berishën”, duke hedhur në qarkullim edhe nocionin e “Rilindjes”. Rrotull këtyre të dyve sillen edhe nacionalistët e Aleancës Kuq e Zi, që çuditërisht ishte mirë në sondazhe deri sa u zbulua se kryetari i tyre, u kërkonte anëtarëve të partisë nga 100 mijë euro për t’i kandiduar. Anëtarët e partisë u larguan prej saj dhe kështu bashkë me të, u vanit edhe Shqipëria e Madhe. Pastaj është edhe e sapokrijuara, Fryma e Re Demokratike e drejtuar nga Bamir Topi, ish-president i ven- dit. Topi mori një pozicion kundër Berishës dhe për pasojë shumë shpejt e pa veten të papunë. Topi ka nisur hakmarrjen e tij kundër Sali Berishës në një fushatë përmes të cilës shpreson se partia e tij e re, do të rrëzojë plakun që qeveris Shqipërinë. Mund të marrë disa vende në Parlament, por vështirë të besohet se do sjellë erën e ndryshimit. Lojtari kyç është Ilir Meta, i Lëvizjes Social- iste për Integrim, koka e Janusit një fraksion i Partisë Socialiste që u shkëput nga radhët e kësaj të fundit në vitin 2004. Me gati 5% të votës popullore, Ilir Meta ka marrë rolin përcaktues... Me një avantazh prej shtatë pikë në sondazhet më të fundit, socialistët e Ramës pritet që të fitojnë zgjedhjet. Por fushata elektorale në Shqipëri nuk nis e nuk mbaron me zgjedhjet. Ky është një sport që zgjat gjithë se- zonet. Humbësit nuk ndalojnë se ankuari dhe fituesit nuk i lënë kurrë lëvdatat. Premtimet e bëra gjatë fushatës harrohen shumë shpejt dhe menjëherë nis e adoptohet politika e tregim- it me gisht. Për më shumë se 20 vite secila parti ka premtuar ndryshime në vend, por as- një parti nuk ka vullnet për të ndryshuar. Dhe i vetmi ndryshim që do të shohë publiku është më pak para në llogaritë bankare offshore të liderëve të tyre dhe më shumë para në xhepat e tyre ose… një udhëtim pa viza për në SHBA.
Marrë me shkurtime nga “The Huffingtonpost”