Te semuret e infektuar do te "izolohen"

Sipas burimeve nga Drejtoria Arsimore e Tiranes, do te caktohet nje klase e vecante per maturantet e semure. Nxenesve qe kane probleme shendetesore, do t'u kerkohen analiza, per te mesuar nese kane ndonje semundje infektive, cka do te perbente rrezikshmeri per maturantet e tjere. Nese ata do te kene ndonje problem te tille, do te vihen ne klasa te vecanta ne kushte te rrepta sigurie. Ne te kundert, ata do te vendosen bashke me te gjithe te tjeret. Domosdoshmeria e nxjerrjes se ketij rregulli lindi per shkak te eksperiences se vitit te kaluar, kur dy kandidate per studente rezultuan te semura me Hepatit A (verdhez). Edhe pse udhezimi i Ministrise se Arsimit nuk i kish parashikuar raste te tilla, specialisti i Drejtorise Arsimore, Muhamet Mesi, organizoi nje klase te vecante per keto dy maturante. "Rreziku ishte i pranishem. Ato vinin nga spitali infektiv, ndaj rrezikohej edhe infektimi i te tjereve. Kesisoj, vendosem qe vajzat ta plotesonin testin vecmas", thote Mesi. I njejti rregull do te vleje edhe per kete vit, nese do te kete konkurrente te semure. Nuk behet fjale per ndonje rregullore te re, apo udhezim, por per nje vendim te Drejtorise Arsimore.