Te vegjlit: Reforma, pa dyshen PD-PS

Fatjona Mejdini
Partite e vogla parlamentare shprehen dje vendosmerine qe te realizojne reformen zgjedhore ne komisionin e posacem edhe pa pranine e perfaqesuesve te Partise Demokratike dhe asaj Socialiste. "Nxjerrja krye" e partive te vogla parlamentare vjen dy dite pasi Presidenti i Republikes Bamir Topi, kerkoi qe puna per reformimin e sistemit zgjedhor te kryhet brenda komisionit ku heren e fundit, PD dhe PS nuk moren pjese. Keshtu sot pritet qe komisioni i posacem per reformen te mblidhet i kerkuar nga perfaqesuesit e partive te vogla parlamentare, pa pranine e bashkekryetareve, Ilir Rusmalit dhe Kastriot Islamit.
Presidenti i Partise Aleanaca Demokratike, Neritan Ceka u shpreh dje se komisioni duhet te vazhdoje punen normalisht edhe pse dy bashkekryetaret e tij nuk konfirmojne pjesemarrjen ne keto seanca. "Ne do te punojme edhe pa dy bashkekryetaret e komisionit dhe ndonese pa Rusmalin e pa Islamin, puna do te vazhdoje normalisht", vleresoi kreu i PAD-se, Ceka. Sipas tij, diten e sotme ne komision do te shqyrtohen amendamentet qe kane te bejne me sistemin proporcional te personalizuar, kerkuar nga partite e vogla parlamentare.
Duke pare se dhe ne mbledhje te meparshme, perfaqesuesit e partive te medha Kastriot Islami i PS dhe Ilir Rusmali i PD, nuk kane marre pjese, i te njejtit qendrim shprehet edhe kreu i Partise Demokristiane, Nard Ndoka. Sipas tij, ndonese dy bashkekryetaret e komisionit per reformen nuk konfirmojne pjesemarrjen e tyre ne komision, partite e vogla jane kembengulese per te vazhduar punen ne te.
Po keshtu perfaqesuesit e partive te vogla parlamentare pohuan dje se kishin mbeshtetjen e presidentit Bamir Topi per te vazhduar punen normalisht ne komisionin e reformes zgjedhore. Sipas Ndokes, apeli i Presidentit per te vazhduar punen ne komisionin per reformen vjen ne momentin e duhur per te gjithe kreret e partive politike. "Presidenti po tregohet i kujdesshem dhe apeli i tij vjen ne momentin e duhur per te gjithe drejtuesit e partive parlamentare, te cilet duhet te heqin dore prej bisedave neper kafene per ceshtje te rendesishme, sic eshte reforma zgjedhore", evidentoi Ndoka.
Kurse kreu i PAD-se, Ceka ndonese e pergezon Topin per deklarimet e tij, e konsideroi apelin presidencial per te vazhduar punen, si nje "thirrje ne shkretetire". "Une e pershendes thirrjen e Presidentit si nje institucion, i cili zoterohet akoma nga arsyeja dhe nga veshtrimi drejt Evropes", deklaroi Ceka ne prononcimin per mediat.
Reagime ka pasur dje dhe nga kryetari i Partise Bashkimi Liberal Demokrat, Arian Starova. Ai shprehu konstatimin e partise qe kryeson, se ecuria e punes se komisionit te reformes zgjedhore nuk eshte e kenaqshme. "Partite politike jane shume te vonuara me reformen zgjedhore, ndaj e rendesishme eshte qe brenda muajit mars te bihet dakord per parimet kryesore te kesaj reforme, qe kane te bejne me sistemin apo komisionet zgjedhore", deklaroi Starova. Ne kete pike, ai u shpreh skeptik per perfundimin e reformes brenda ketij muaji, ose pak jave para samitit te Bukureshtit ne fillim te prillit, ku sipas nderkombetareve, ftesa eshte ngushtmerisht e lidhur me realizimin pa vonese te reformave te nisura. Ndaj Starova konstaton se "ecuria e reformes zgjedhore ka vonesa dhe zvarritje". Sakaq, ai mendon se ne kete situate, "eshte e udhes qe partite dhe komisioni per reformen te veprojne shume shpejt".

"Bashkekryetaret jo te nevojshem"
Sot pritet te jete hera e dyte kur komisioni i posacem per reformen zgjedhore do te mblidhet pa bashkekryetaret e tij, Ilir Rusmalin dhe Kastriot Islamin. Thirrja e komisionit ne mbledhje diten e sotme ka ardhur nga perfaqesuesit e partive te vogla, te cilet kane shfrytezuar rregulloren e parlamentit qe jep te drejten qe 1/4 e anetareve te komisionit te mblidhen edhe me iniciativen e tyre. Nje jave me pare komisioni zhvilloi nje mbledhje te radhes pa dy bashkekryetaret e tij.

"Ne na mbeshtet Topi"
Perfaqesuesit e partive te vogla parlamentare kane pershendetur deklaraten e presidentit, Bamir Topi per vazhdimin e punes ne komisionin per reformen zgjedhore. Sipas tyre, kjo deklarate ka ardhur pikerisht ne momentin kur puna ne komision e posacem nuk po funksionon normalisht. Kreret e partive te vogla parlamentare shprehen se mesazhi i Topit eshte i vlefshem per te gjithe drejtuesit e partive, te cilet duhet te kthejne syte nga komisioni per te perfunduar reformen.