Te vendoset tabela elektronike ne qender te qytetit
Elbasani fshihet nga harta e qyteteve me te ndotura ne shkalle vendi. Megjithate aktore te ndryshem dhe vete qytetaret kerkojne vendosjen e tabeles elektronike ne qender te qytetit per te pasur me shume transparence dhe qetesi ne kete drejtim. Sipas pergjegjesit te zyres se Mjedisit ne Elbasan, Beqir Kila, per vitin qe shkoi ne Elbasan u realizua objektivi i qeverise per uljen e ndotjes ne kete qytet, duke vendosur pajisje qe realizojne matje sipas parametrave te BE se. Dy pajisje te tilla jane instaluar ne qytet dhe nje e trete pritet te vendoset ne Metalurgji. Megjithate krahasuar me vendet e BE-se, ndotja ne Elbasan eshte 1,5 deri 2 here me e larte. Por, sipas Institutit te Higjienes ne Tirane, qe monitoron ndotjen e ketij qyteti, Elbasani tashme radhitet nder qytetet me te pastra ne shkalle vendi. Sipas Kilas, problem mbetet fusha e plehrave. 90% e ndotjes ne Elbasan shkaktohet nga plehrat dhe djegia e pakontrolluar e tyre, eshte shprehur Kila. Ai ka kerkuar nderhyrjen e qeverise per zgjidhjen sa me shpejt te ketij problemi. Nisur nga te dhenat e Zyres se Mjedisit, deputeti Aurel Bylykbashi ka kerkuar me teper transparence me qytetaret. "I gjithe komuniteti eshte i shqetesuar per situaten e ndotjes ne Elbasan. Shifrat jane optimiste dhe per kete nevojitet me teper transparence. Ndaj eshte e domosdoshme qe ne qender te qytetit te vendoset nje tabele elektronike, e cila jep ne cdo moment shkallen e ndotjes". Sipas eksperteve, nje tabele e tille kushton 2 milione leke te reja dhe fondet jane te perballueshme.
Fatos Salliu