Te verberite e Beratit: Ne duam te votojme, na takon

BERAT- Shoqata e te verberve ne Berat kane bere nje note proteste, te firmosur nga te verbrit e shoqates, kerkojne qe te merren menjehere masa qe kjo kategori te marre pjese ne zgjedhje. Sipas tyre privimi nga e drejta e votes, sic po ndodh me kete kategori ne vendin tone, eshte shkelje e konventes se te drejtave te njeriut. Te verberite e Beratit jane shprehur ne noten e protestes, adresuar kreut te qeverise Sali Berisha se anetaret e shoqates se Beratit, jane trajnuar posacerisht per t'u bere pjese e procesit te zgjedhjeve, ashtu sicdo kategori tjeter. Sipas tyre problemi qe i le ata larg kutive te votimit, eshte pikerisht mungesa e aparaturave te posacme, gje e cila nuk eshte realizuar deri me sot. Ne kete note proteste anetaret e shoqates kerkojne qe te merren masa sa me shpejt, qe kjo kategori te marre pjese ne zgjedhjet e qershorit. Ata shprehen ne noten e protestes se nese kerkesa e tyre, nuk merret parasysh ata do t'i pershkallezojne protestat.