Telefonatat, 70.000 punonjes te shtetit kontrate me "Eagle Mobile"

"Eagle Mobile", kompania me e re e telefonise celulare ne Shqiperi, qe nga dita e djeshme do t'u ofroje institucioneve publike sherbimet e saj me tarifa te vecanta. Marreveshja per kete sherbim u nenshkrua ne Ministrine e Puneve Publike, Transportit dhe Telekomunikacionit nga ministri Sokol Olldashi dhe drejtori i Pergjithshem i "Eagle Mobile", Ali Taskin. Ne baze te kesaj marreveshjeje, "Eagle Mobile" do te ofroje sherbimet e telefonise celulare per 8 dikastere ministrore dhe rreth 70.000 punonjes te administrates publike, qe do te perfitojne nga tarifat dhe sherbimet e "Eagle Mobile". Sipas ministrit Olldashi, do te jete me perfitim te dyfishte, pasi do te ulen shpenzimet operative per ate kontingjent nepunesish, te cileve shteti u paguan pjeserisht apo plotesisht shpenzimet telefonike dhe do te jete edhe ne perfitim te vete zyrtareve, pasi do te paguajne shume me pak dhe ne kete menyre sherbimi behet me i lire. "Ne do te ofrojme sherbimet tona, jo vetem per 70 mije punonjes te administrates publike, por edhe per familjaret e tyre. Njeherazi, edhe institucionet e tjera publike qe deshirojne ta kene kete tarife dhe mundesi, jane te mirepritura", tha drejtori i Pergjithshem i "Eagle Mobile", Ali Taskin. Ai falenderoi qeverine shqiptare dhe Ministrine e Puneve Publike, Transportit dhe Telekomunikacionit, per mbeshtetjen qe i kane dhene procesit te konkurrences ne telefonine e levizshme shqiptare. Ne baze te marreveshjes, e gjithe administrata do te konsiderohet si nje grup dhe tarifat brenda grupit do te jene 5 leke/minute nga 7 leke/minute qe ishte ne oferte. Kompania "Eagle Mobile" doli fituese e procedures konkurruese, te zhvilluar me tre kompanite celulare qe operojne ne vendin tone ("AMC" sh.a, "Vodafone Albania" sh.a, "Eagle Mobile" sh.a) per ofrimin e ketij sherbimi per punonjesit e administrates publike. Kontrata eshte me afat kohore njevjecar, gjate te cilit nuk mund te kete rinegocim te tarifave te aplikuara.