Zgjedhjet, e majta takime intensive ne baze
Ndersa pak muaj na ndajne nga zgjedhjet, partite politike kane filluar fushatat dhe takimet e tyre intensive ne qytetet e Shqiperise. Kryetari i Partise Socialdemokrate Skender Gjinushi, ka zhvilluar dje nje tur takimesh me banoret e rretheve te Permetit dhe Tepelenes. Gjate bashkebisedimit me banore te ketyre zonave, Gjinushi eshte shprehur se ne zgjedhjet e 28 qershorit, e majta duhet te fitoje bindshem ne menyre te tille qe Berisha ta pranoje humbjen. "Eshte e rendesishme qe ne keto zgjedhje te bashkohemi te gjithe, jo thjesht per te fituar por per te arritur nje fitore te thelle", eshte shprehur kryetari i PSD-se. Nderkaq kryetari i Partise Demokracia Sociale, Paskal Milo zhvilloi disa takime ne rrethet e Sarandes dhe te Delvines. Vecanerisht ai u ndal ne takimet me anetare dhe simpatizante te PDS-se ne komunen e Livadhijas, ku midis te tjerave ai u tha te pranishmeve se "shteti ne Shqiperi duhet te beje politike subvencionuese te favorshme per fermeret, sepse kjo eshte nje politike qe e zhvillojne te gjitha vendet evropiane, per fermeret e tyre". "Sepse ligjet e ekonomise se tregut jane te atilla qe nuk krijojne preference lokale, por eshte qeveria ajo qe duhet te mbroje fermeret e vete per prodhimet bujqesore", tha Milo. Duke vazhduar turin e pergatitjes se fushates elektorale ne te gjithe vendin, Veliaj dhe aktiviste te tjere te G99 kane ndaluar dje ne nje takim me banoret e komunes Krutje, ne Qarkun e Lushnjes. Duke folur ne kete takim, Veliaj theksoi se beteja me e madhe e opozites aktuale, eshte ajo per kartat e identitetit falas. D.D