Tenderat, rreth 300 kompani ankesa per abuzime Eglantina Nasi
Shkeljet ne proceset e prokurimeve publike, perbejne nje dukuri ende te pranishme ne vendin tone, pasi ende vijojne ankesat nga ana e operatoreve ekonomike lidhur me to. Nje fakt i tille, pohohet edhe nga vete Avokati i Prokurimeve, sipas te cilit, ashtu si nje vit me pare, edhe gjate ketij viti, mjaft ankesa kane vershuar prane ketij institucioni mbi abuzimet e pretenduara se jane kryer gjate ketyre proceseve. Konkretisht, behet fjale per rreth 300 ankesa te tilla qe jane paraqitur prane Avokatit te Prokurimeve vetem gjate 5-mujorit te pare te ketij viti. Nje shifer e konsiderueshme kjo, po te kujtojme faktin, se ne total gjate vitit te kaluar, operatoret e ndryshem ekonomike paraqiten rreth 490 ankesa mbi tenderimet. Dhe ky krahasim shifrash, tregon se numri i sipermarrjeve private qe ankohen per procedurat sesi zhvillohen ne fakt keto tenderime, eshte gjithmone ne rritje. "Disa nga dosjet e paraqitura, kane shkuar per hetim te procedurave, ndersa disa te tjera per hetim administrativ", ka pohuar per mediat, lidhur me nje fakt te tille, Avokati i Prokurimeve, Altin Qoshja. Duke shtuar se nga 300 dosje qe jane marre ne fakt ne shqyrtim, 240 prej tyre jane paraqitur nga operatore ekonomike, ndersa 60 te tjera jane zgjedhur nga nje short qe ky institucion ka zgjedhur per procedurat e prokurimeve. "Po shihen pretendimet e operatoreve ekonomike, duke u dhene te drejte, ose duke u dhene pergjigjen se autoriteti kontraktor, i ka zgjedhur mire ceshtjet", ka bere me dije me tej, Avokati i Prokurimeve. Nderkaq, disa prej ceshtjeve te ankimuara kane te bejne me procese prokurimesh, te zhvilluara qe disa vite me pare dhe qe jane ende ne proces shqyrtimi. Gjithsesi, sipas Qoshes, sistemi elektronik me te cilin kryhen prokurimet publike ne Shqiperi, nuk paraqet mundesi per te krijuar dyshime nga ana e pjesemarresve ne to dhe se publiku duhet te kete besim ndaj tij, per menyren sesi funksionon. "Sistemi elektronik nuk le as mundesine me te vogel per te bere abuzime, pasi te gjitha kriteret per te marre pjese ne nje tender, behen publike. Dhe ofertat, nuk ndikohen te njera-tjetra. Problem eshte vetem trajnimi i punonjesve qe merren me procedurat e tenderimeve", argumenton ai lidhur me nje fakt te tille. E megjithate, ankesat e biznesit ndaj ketij procesi, nuk ndalen, duke treguar se ndaj realizimit te tij, ka edhe te pakenaqur. Per nje arsye te tille, funksionon edhe Avokati i Prokurimeve, detyra ligjore e te cilit eshte mbrojtja e te drejtave dhe interesave te ligjshme te kandidateve, ofertuesve apo furnizuesve nga veprimet ose mosveprimet e paligjshme e te parregullta te autoriteteve kontraktore ne fushen e prokurimit publik. Por edhe ne ate te dhenies me koncesion, nepermjet monitorimit dhe hetimit te procedurave administrative.