Nano: Rama te mos i shmanget gares me mazhorancen
Ish-kryeministri Fatos Nano ka reaguar dje pas takimit te kryetarit te Partise Socialiste Edi Rama, me kryeministrin Sali Berisha. Ne nje deklarate te "Levizjes Nano per President", ish-kryeministri vlereson takimin si gjest mes politikaneve, ndersa thekson se nuk duhet humbur raundi i trete. Ne deklarate jepen edhe 7 keshilla per dy kreret e partive, ku sugjerimet kryesore shkojne ne adrese te kreut te PS-se, Edi Rama. Nano shprehet se kreu i PS-se nuk duhet t'i shmanget gares me mazhorancen. "Fatos Nano e fton Edi Ramen qe te mos i shmanget gares dhe konkurrimit me maxhorancen, me emra dhe vlera me te mira e me perfaqesuese, si edhe e keshillon qe te mos e perjetoje te qenurit ne pakice si gjendje mentale dhe psikologjike pamundesie, por si gjendje politike shansesh dhe mundesie per kontribute dhe rritje", thuhet ne deklaraten e "Levizjes Nano per President". Nga ana tjeter, Nano shprehet se "pertej rendesise e vleres qe pati ky takim, sot (dje) Shqiperia humbi nje shans te dyte per ta zgjedhur Presidentin e Republikes me nje marreveshje te dakordesuar. Dy Kryetare u takuan, per te humbur shansin e dyte duke djegur edhe Raundin e dyte te votimit, po aq sa jane edhe shanset qe ka humbur Shqiperia ne perpjekjet dhe pritshmerite e saj per te mare Statusin Kandidat ne BE". Edhe pse kandidatura e Nanos nuk eshte propozuar nga kreu i PS-se, ish-kryeminstri thekson shpreh se ka besim se deri ne fund te procesit do te kete reflektim.
"Fatos Nano ndonese i lenduar dhe mosaprovues nga ngurrimi i Edi Rames per ta mbeshtetur politikisht dhe me firma deri tani emrin e tij ne mundesine per te kandiduar per president, shprehet mirebesues deri ne perfundim te procesit, dhe e inkurajon Edi Ramen qe te jete vije e hapur komunikimi, keshillimi dhe ndershkembimi idesh dhe opinionesh me te gjithe aktoret dhe faktoret e perfshire ne procesin e zgjedhjes se Presidentit, qofte me ata qe jane te thirrur per te marre vendime, qofte me ata qe kane shpallur ambicien dhe pergjegjshmerine per te konkurruar per detyren e kreut te shtetit", thuhet ne deklarate. Duke inkurajuar takimet mes dy krereve te partive, Nano thekson se Rama dhe Berisha duhet te punojne per zgjedhjen e nje presidenti i cili garanton permbushjen e te gjitha reformave. "Te mos furnizonojne axhendat politike partiake, te mos lejojne lojerat meskine per pushtet, planet e projektet per ekulibra te politikes se dites qeverisese apo opozitare, apo ne funksion te zgjedhjeve te vitit 2013, te erresojne rendesine paresore qe ka zgjedhja e Presidentit te Republikes, si hap i pare per te vazhduar me permbushjen e te gjitha reformave te cilat do te bejne te mundur qe Shqiperia ta meritoje Statusin Kandidat ne BE", thuhet ne deklaraten e "Levizjes per Nano per President".
Nano: Mengjes lutjesh me Ramen dhe Berishen
Duke i cilesuar dy raundet e para si mundesi te humbura, Nano kerkon nga dy kreret e partive kryesore qe te mos humbasin shansin e trete. Nisur dhe nga insistimi i kreut te PS-se per tu takuar me kryeministrin, Nano deklaron se ne rast se do te zgjidhet kreu i shtetit do te mundesoje qe nje dite te javes te zhvillohen takime me kreun e opozites dhe kryeministrin. "Fatos Nano siguron se nese do te jete Presidenti i Republikes, ai do te angazhohet me te gjitha kapacitet politike, institucionale e kushtetuese qe mbart detyra e Kreut te Shtetit qe te instaloje ne njeren prej diteve te javes, nje tradite te perjavshme e te perhershme Mengjesi pune, reflektimi dhe Lutjesh, mes Presidentit te Republikes, Kryeministrit dhe Liderit te Opozites", thuhet ne deklaraten e "Levizjes Nano per President".