Tentoi te merrte tapine e tokes me dokumente false, arrestohet

GJIROKASTER-Nje person ka rene ne prangat e policise se Gjirokastres, me akuzen e falsifikimit te dokumenteve. Burime zyrtare te kesaj policie bene te ditur se arrestimi i 51-vjecarit Hysen Ahmeti, lindur dhe banues ne fshatin Krahes te rrethit Tepelene, u be dy dite me pare rreth ores 17:00, nga Specialistet e Sektorit Kunder Krimit Ekonomik ne Drejtorine e Policise se Qarkut Gjirokaster ne bashkepunim me prokurorine. Nga hetimet e kryera, policia ka ngritur dyshimet se ky person per te perfituar vete pronesine e tokes, ka falsifikuar dokumentet e pronesise se dy personave me te cilet atij i kufizohej prona. Sipas policise
ndalimi i 51-vjecarit u be pasi dyshohet se ka falsifikuar dokumentin "Plan Rilevimi", te dates 26 shkurt 2010, i cili behet ne baze te Aktit te Marrjes se Tokes ne Pronesi. Ahmeti dyshohet
se ka falsifikuar firmen e dy personave te tjere qe jane pronare te tokes me te cilen kufizohet toka qe ai do te merrte ne pronesi. Dokumentin e dyshuar si te falsifikuar, Hysen Ahmeti e ka paraqitur ne Zyren e Rregjistrimit te pasurive te Paluajtshme (Hipoteke ) ne Tepelene, me qellim qe te perfitonte certifikaten e pronesise per nje siperfaqje toke rreth 1200 metra katrore ne fshatin Toc te rrethit Tepelene. Pikerisht ne momentin e dorezimit te ketij dokumenti, pasi ai eshte verifikuar dhe ka rezultuar i falsifikuar policia ka kryer edhe arrestimin e tij ne flagrance. Nga ana e policise eshte bere sekuestrimi i dokumentit ne cilesine e proves materiale. Pas arrestimit te tij, dosja me materialet i kane kaluar Prokurorise se Rrethit Gjyqesor Gjirokaster per veprime te metejshme per vepren penale te "falsifikimit te dokumentave", veper kjo e parashikuiar nga neni 186 i Kodit Penal.