"Tenton" vetembytjen ne det

Sarande- Nje 56-vjecare tenton vetembytjen ne rrethana misterioze, por shpetohet nga te pranishmit ne plazh. Ngjarja ka ndodhur dje rreth ores 13:00, ne plazhin e ri te Sarandes, kur Veziko Gjoncaj, pasi ka hyre disa meter ne uje eshte fundosur dhe nuk ka dal me ne siperfaqe. Thirrjet e plazhisteve dhe britmat e te pranishmeve ben qe disa prej tyre te nxitonin per ta nxjerre gruan nga thellesia e detit. Ne gjendje kome 56-vjecarja eshte derguar ne spital. Infermierja nga Gjirokastra, Viktore Coni, i ka dhene ndihmen e shpejte. "Gruaja ishte pa puls dhe nuk merrte as fryme. E nxire ne fytyre, me gjuhen te gelltitur ajo nuk jepte asnje shprese per te jetuar", thote ajo. Nderkaq eshte njoftuar urgjenca dhe ambulanca ka shkuar ne vendngjarje. E shoqeruar nga makina te policise dhe police te kontrollit rrugor per te hapur rrugen e mbushur me automjete, gruaja eshte derguar per pak minuta ne urgjencen e spitalit ne gjendje shume te rende. Policia qe hetoi ngjarjen tha se mund te jete nje tentative vetembytje ose ngjarje aksidentale. Pritet permiresimi i shendetit te 56-vjecares per ta marre ne pyetje dhe zbardhur ngjarjen.

B. B.