Tërmet në Itali, nuk ka dëme materiale

Një tërmet me intensitet 4,6 ballë sipas shkallës Rihter u regjistrua sot në mëngjes rreth orës 04:00 në qendër të Italisë, në rajonin e Marches. Tërmeti nuk shkaktoi viktima apo dëme materiale, edhe pse popullata zbriti në rrugë.
Epiqendra e tërmetit u lokalizua në thellësinë 37,7 km, në krahinën Macerata, ndërsa lëkundja u ndje gjithashtu në bregdetin Adriatik, veçanërisht në qytetin e madh të Ankonës.
Italia regjistron rregullisht një aktivitet të dendur sizmik në territorin e saj.
Në fillim të prillit, një tërmet i fortë goditi qendrën e vendit, rajonin e Abruzos, duke shkaktuar 300 të vdekur dhe dhjetëra mijëra të pastrehë