"Termet" ne bashkine e Vlores, ikin edhe tre zyrtare te tjere
Vlore- Tronditet bashkia e Vlores, largohen nga detyra edhe tre zyrtare te tjere te larte te institucionit. Pas doreheqjes se nenkryetarit per ceshtjet ekonomike, Arqile Mishtaku, pak dite me pare, dje kane ndodhur edhe tre ndryshime te tjera. Mesohet se nuk mban me postin e nenkryetarit te bashkise per infrastruktures, Halim Dervishaj, i cili do te zevendesohet nga Edmond Leka, qe mbante postin e kreut te Dhomes se Tregtise dhe Industrise ne Vlore, nderkohe me post politik, sekretar ne PS-ne lokale, por dhe kandidat per deputet i PS, i dhjeti ne liste ne zgjedhjet e legjislativit 2009. Kryebashkiaku Shpetim Gjika nuk ka humbur kohe per te zevendesuar edhe te dorehequrin Mishtaku vetem kater dite pas kerkeses. Posti i nenkryetarit ekonomik do te mbahet nga Ilir Banushi, bankier ne profesionin e meparshem. Nderkohe qe jane edhe tre drejtore te administrates se Gjikes qe nuk e mbajne me postin e meparshem. Drejtori i Sherbimeve Publike, Ardian Musta, drejtori i Inspektoriatit Ndertimor te bashkise, Rudi Aliraj dhe shefi i policise bashkiake, Ilirian Hasani. Keta zyrtare te larguar pritet te zevendesohen se shpejti nga kryebashkiaku, ashtu sikurse ka vepruar edhe me dy postet e zevendeskryetareve te institucionit. Prej disa muajsh bashkia eshte perfshire ne debate te ashpra, mes kampeve politike dhe ne Keshillin Bashkiak te djathtet, akuzojne kreun e institucionit per abuzime dhe shkelje te renda.
Protestat
Banoret e lagjeve "Kushtrim", "1 Maji" dhe periferive ne Vlore, prej dates 14 mars te ketij viti kane nisur protestat e perditshme ndaj baskise, qe i ka braktisur ne investimet e saj per infrastrukturen. Duke kerkuar rruge dhe sherbime te tjera, banoret kane akuzuar bashkine per lenie te qellimshme pas dore.