Thaçi: Do të hapet një kapitulli i njohjeve të reja

Ai përshëndeti këtë deklaratë mbështetëse të GND-së për hapat e mëtejmë të Kosovës, për progresin e arritur dhe për orientimet euroatlantike të vendit. Kryeministri Thaçi i bëri këto komente në mbledhjen e rregullt të Qeverisë së Kosovës, duke thënë se Grupi Ndërkombëtar Drejtues edhe njëherë i ka dhënë mbështetje të fuqishme Republikës së Kosovës.

Thaçi deklaroi se do të hapet një kapitull i ri i perspektivës euroatlantike të Kosovës në NATO dhe BE, duke theksuar se do të hapet edhe kapitulli i njohjeve të reja dhe Kosova gradualisht përpos që do të hapë dialogun për liberalizimin e vizave, do të ketë një mbështetje edhe më unike nga të gjitha vendet e BE-së dhe gjithë partnerët e tjerë ndërkombëtarë.